ಸಿರುಗುಪ್ಪ: ಕುಡಿಯುವ ನೀರಿಗೆ ತತ್ವಾರ

ಹರಗೋಲ್‌ಘಾಟ್‌ ನೀರಿನ ಸಂಗ್ರಹ ಬರಿದಾದ ನಂತರ ನಗರಸಭೆಯವರು ಪೂರೈಕೆ ಸ್ಥಗಿತಗೊಳಿಸಿ ಕೊಳವೆ ಬಾವಿ ಗಳ ನೀರನ್ನು ಟ್ಯಾಂಕರ್‌ಗಳ ಮೂಲಕ ಬಡಾವಣೆಗಳಿಗೆ ಸರಬರಾಜು ವ್ಯವಸ್ಥೆ ಕೈಗೊಂಡರು. ಆದರೆ ನಗರದಲ್ಲಿರುವ ಸುಮಾರು 150 ಅಧಿಕ ಕೊಳವೆಬಾವಿ ಗಳ ಅಂತರ್ಜಲ ಮಟ್ಟ ತಳಮುಟ್ಟಿದೆ.ಕೊಳವೆಬಾವಿ ನೆಚ್ಚಿಕೊಂಡಿದ್ದ ನಗರಸಭೆಗೆ ಈಗ ದಿಕ್ಕು ತೋಚದಂತಾಗಿ ಜನರ ನೀರಿನ ಬವಣೆ ನೀಗಿಸಲು ಚಿಂತೆ ಮಾಡುವ ಪರಿಸ್ಥಿತಿ ಒದಗಿಬಂದಿದೆ.

ಹೊಸ ಕೊಳವೆಬಾವಿಗಳನ್ನು 400 ರಿಂದ 500 ಅಡಿ ಕೊರೆಸಿದರೂ ಜಲ ಲಭ್ಯವಾಗುತ್ತಿಲ್ಲ,ನೀರಿನ ಮಾರಾಟ: ಕೊಳವೆಬಾವಿ ಹೊಂದಿ ರುವ ಮನೆಗಳ ಪಕ್ಕದಲ್ಲಿ ನೀರಿನ ಘಟಕ ಗಳನ್ನು ಸ್ಥಾಪಿಸಿ ನೀರು ಮಾರಾಟ ಮಾಡು ವವರಿಗೆ ಈಗ ಸುಗ್ಗಿಯ ಕಾಲವಾಗಿದೆ.ಆದರೆ ನಗರಸಭೆಯವರು ಇಲ್ಲಿಯ ವರೆಗೆ ಶುದ್ಧ ನೀರಿನ ಘಟಕಗಳನ್ನು ಸ್ಥಾಪನೆ ಮಾಡದೇ ಇರುವುದು ಜನತೆಗೆ ಬೇಸರ ತಂದಿದೆ.ಇದನ್ನೇ ಖಾಸಗಿಯವರು ಬಂಡ ವಾಳ ಮಾಡಿಕೊಂಡು ನೀರಿನ ಲಾಭ ಪಡೆದುಕೊಳ್ಳುತ್ತಿದ್ದಾರೆ.

ಹಗಲು–ರಾತ್ರಿ ಜನತೆ: ಇಲ್ಲಿಯ ಜಲ ಶುದ್ಧೀಕರಣ ಘಟಕದಲ್ಲಿರುವ ಎರಡು ಕೊಳವೆ ಬಾವಿಗಳ ನೀರಿಗಾಗಿ ಜನತೆ ಹಗಲು–ರಾತ್ರಿಯೆನ್ನದೇ ಕೊಡಗಳನ್ನು ಹಿಡಿದುಕೊಂಡು ಸರತಿ ಸಾಲಿನಲ್ಲಿ ನಿಂತು ನೀರನ್ನು ತುಂಬಿಕೊಂಡು ಹೋಗು ವುದು ಸಾಮಾನ್ಯವಾಗಿದೆ.ಸಾವಿರ ರೂಪಾಯಿಗೆ ಒಂದು ಟ್ಯಾಂಕ್‌: ಈ ನೀರಿನ ಬವಣೆಯನ್ನು ಲಾಭ ಮಾಡಿ ಕೊಂಡಿರುವ ಕೆಲವು ನೀರಿನ ಟ್ಯಾಂಕರ್‌ ಗಳ ಮಾಲೀಕರು ಒಂದು ಟ್ಯಾಂಕ್‌ಗೆ ಒಂದು ಸಾವಿರದಂತೆ ಮನೆಗೆ ಬಂದು ನೀರು ಪೂರೈಸುತ್ತಿದ್ದಾರೆ.

ಎಲ್ಲಿ ನೀರು ಸಿಗ್ತಾವ ಅಂದ್ರೆ ಸಾಕು ಅಲ್ಲಿಗೆ ಜನ ಮುತ್ತಿಗೆ ಹಾಕಿ ನೀರು ಪಡೆಯುವ ಸಾಹಸಕ್ಕೆ ಮುಂದಾಗುತ್ತಾರೆ.ನೀರು ಎಂದು  ಜನ ತತ್ತರಿಸು ತ್ತಿದ್ದರೆ, ಜನಪ್ರತಿನಿಧಿಗಳು ನದಿಗೆ ನೀರು ಹರಿಸಲು ಮುಂದಾಗದೇ ಇರುವುದು ನಾಗರೀಕರಿಗೆ ಬೇಸರ ತಂದಿದೆ.

ತುಂಗಭದ್ರಾ ಜಲಾಶಯದ ಎಡ ಮತ್ತು ಬಲದಂಡೆಯ ಕಾಲುವೆಗಳಿಗೆ ಕುಡಿಯುವ ನೀರು ಉದ್ದೇಶಕ್ಕಾಗಿ ಈಗ ನೀರು ಹರಿಸಲಾಗುತ್ತಿದೆ, ಆ ನೀರನ್ನು ತುಂಗಭದ್ರಾ ನದಿಯ ಹರಗೋಲ್‌ ಘಾಟ್‌ಗೆ ಹರಿಸಿ ಸಂಗ್ರಹಿಸಿದರೆ ನಗರದ ಜನತೆಯ ಮುಂದಿನ ಎರಡು ತಿಂಗಳ ವರೆಗೆ ನೀರಿನ ಬವಣೆ ನೀಗುತ್ತದೆ ಎನ್ನುತ್ತಾರೆ ಜನತೆ.