ಅಷ್ಟೇ ಅಲ್ಲ; ಇಲ್ಲಿ ಸ್ಯಾಮ್ಸಂಗ್ ಮತ್ತು ನೋಕಿಯಾಗಳಿಗೆ ಹೊಟ್ಟೆ ನೋವು ಬರುತ್ತದೆ. ಆ ಹೊಟ್ಟೆ ನೋವಿಗೆ ಇಲ್ಲಿನ ವೈದ್ಯರು ಔಷಧಿಯನ್ನೂ ಬರೆದುಕೊಡುತ್ತಾರೆ. ಅಂದಹಾಗೆ ಈ ರಾಷ್ಟ್ರಪತಿ, ಪ್ರಧಾನಿ, ಸ್ಯಾಮ್ಸಂಗ್, ನೋಕಿಯ.. ಇವೆಲ್ಲಾ ರಾಮನಗರದ ಜನರ ಅಧಿಕೃತ ಹೆಸರುಗಳು!
ಸರ್ಕಾರದ ಉನ್ನತ ಹುದ್ದೆಯ ಹೆಸರುಗಳನ್ನು ಜನರು ತಮ್ಮ ಮಕ್ಕಳಿಗೆ ಇಡುವುದಕ್ಕೆ ರಾಮನಗರ ಖ್ಯಾತವಾಗಿದೆ. ಈ ಹೆಸರುಗಳ ಪಟ್ಟಿಗೆ ಈಗ ಮೊಬೈಲ್ ತಯಾರಿಕಾ ಕಂಪೆನಿಗಳ, ಮೊಬೈಲ್ ಬಿಡಿಭಾಗಗಳ ಹೆಸರುಗಳೂ ಸೇರುತ್ತಿವೆ.