ನವದೆಹಲಿ: ಕಡಿಮೆ ಮೊತ್ತದ ಪಾವತಿಗೆ ಚೆಕ್‌ ಬಳಸಿದರೆ ₹100 ಶುಲ್ಕ ವಿಧಿಸುವ ಕ್ರಮವನ್ನು ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಪ್ರಾರಂಭಿಸಿದೆ.
40 ಲಕ್ಷ ಗ್ರಾಹಕರನ್ನು ಹೊಂದಿರುವ ಎಸ್‌ಬಿಐ ಕಾರ್ಡ್‌, ₹2000 ವರೆಗಿನ ಪಾವತಿಗೆ ಚೆಕ್‌ ಬಳಸಿದರೆ ₹100 ಹೆಚ್ಚುವರಿ ಶುಲ್ಕ ವಿಧಿಸುತ್ತಿದೆ. ಈ ಕ್ರಮ ಏಪ್ರಿಲ್ 1ರಿಂದಲೇ ಅನ್ವಯವಾಗಿದೆ.
ಡಿಜಿಟಲ್‌ ಪಾವತಿ ವ್ಯವಸ್ಥೆಗೆ ಒತ್ತು ಕೊಡುವ ನಿಟ್ಟಿನಲ್ಲಿ ಈ ಕ್ರಮಕ್ಕೆ ಮುಂದಾಗಿದ್ದು, ₹2000ಕ್ಕಿಂತ ಹೆಚ್ಚು ಮೊತ್ತದ ಚೆಕ್‌ ನೀಡಿದ್ದಲ್ಲಿ ಯಾವುದೇ ಹೆಚ್ಚುವರಿ ಶುಲ್ಕವಿರುವುದಿಲ್ಲ ಎಂದು ಎಸ್‌ಬಿಐ ಕಾರ್ಡ್‌ ಸರ್ವಿಸಸ್‌ ಸ್ಪಷ್ಟಪಡಿಸಿದೆ.
ಶೇ.90 ಗ್ರಾಹಕರು ಚೆಕ್‌ ಹೊರತಾದ ವ್ಯವಸ್ಥೆ ಮೂಲಕ ಪಾವತಿ ಮಾಡುತ್ತಿದ್ದು, ಡಿಜಿಟಲ್‌ ಪಾವತಿಗೆ ಒತ್ತು ನೀಡಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಎಸ್‌ಬಿಐ ಕಾರ್ಡ್‌ ಸರ್ವಿಸಸ್‌ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ವಿಜಯ್‌ ಜಸುಜಾ ತಿಳಿಸಿದರು.
