ಸಹಕಾರಿ ಸಂಘಗಳಲ್ಲಿ ರೈತರ ಕಡಗಣನೆ

ಅವರು ಹೆಬ್ರಿಯ ಚಾರ ಗಾಂಧಿ ನಗರದಲ್ಲಿ ಕಾರ್ಕಳ ಬಿಜೆಪಿ ಯುವ ಮೋರ್ಚಾದ ವತಿಯಿಂದ ಸೋಮವಾರ ನಡೆದ ಹೆಬ್ರಿ ಶಕ್ತಿ ಕೇಂದ್ರ ವ್ಯಾಪ್ತಿಯ ‘ಯುವ ಸಂಭ್ರಮ’ ಸಮಾವೇಶದಲ್ಲಿ ದಿಕ್ಸೂಚಿ ಭಾಷಣ ಮಾಡಿದರು.

 

‘ಒಬ್ಬರು ಸಹಕಾರ ಸಂಘದಲ್ಲಿ ಪಡೆಯುವ ಸಾಲಕ್ಕೆ ಇನ್ನೊಬ್ಬರನ್ನು ಹೊಣೆ ಮಾಡುವುದು ಸರಿಯಲ್ಲ, ಇದರಿಂದ ಅರ್ಹರಿಗೆ ಸವಲತ್ತು ಕೈ ತಪ್ಪುತ್ತದೆ, ಶಾಸಕರ ಸಹಿತ ಜನಪ್ರತಿನಿಧಿಗಳು ಗಮನ ನೀಡಬೇಕು’ ಎಂದರು.

 

ಸಮಾವೇಶದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಕಾರ್ಕಳ ಶಾಸಕ ವಿ. ಸುನೀಲ್ ಕುಮಾರ್, ‘ಬಿಜೆಪಿಯನ್ನು ದೇಶವೇ ಒಪ್ಪಿಕೊಂಡಿದೆ. ವಿರೋಧಿಗಳು ಕೂಡ ಬಿಜೆಪಿಯನ್ನು ಒಪ್ಪಿಕೊಳ್ಳುವ ಪರಿಸ್ಥಿತಿಯನ್ನು ನರೇಂದ್ರ ಮೋದಿ ನಿರ್ಮಿಸುತ್ತಿದ್ದಾರೆ.

 

ಹಾಗಾಗಿ ಮುಂದಿನ ದಿನಗಳಲ್ಲಿ 18 ರಿಂದ 30 ರೊಳಗಿನ ಯುವಕರು ಯಾರೂ ಕಾಂಗ್ರೆಸ್‌ ನೊಂದಿಗೆ ಇರಬಾರದು ಎಂಬ ಮಹಾ ಸಂಕಲ್ಪದಿಂದ ಕ್ಷೇತ್ರದ 5 ಕಡೆ ಯಶಸ್ವಿ ಯಾಗಿ ಯುವ ಸಂಭ್ರಮ ಸಮಾವೇಶ ವನ್ನು ನಡೆಸಲಾಗಿದೆ’ ಎಂದರು.

 

ನಿವೃತ್ತ ಯೋಧರಾದ ಮೂಲ್ಕಿ ಯಶವಂತ ಕಾಮತ್ ಮತ್ತು ನಾಗಪ್ಪ ಗಾಣಿಗ, ಪ್ರಗತಿಪರ ಕೃಷಿಕರಾದ ಕಾಳು ನಾಯ್ಕ್, ರಾಜೇಶ್ ಪೂಜಾರಿ ಅವರನ್ನು ಸನ್ಮಾನಿಸಲಾಯಿತು. ಸಮಾವೇಶದ ಯಶಸ್ಸಿಗೆ ಸಹಕರಿಸಿದ ಪ್ರಮುಖರನ್ನು ಗೌರವಿಸಲಾಯಿತು. ಗೋಪೂಜೆ ಮಾಡುವ ಮೂಲಕ ಸಮಾವೇಶಕ್ಕೆ ಚಾಲನೆ ನೀಡಲಾಯಿತು.

 

ಸಮಾವೇಶದಲ್ಲಿ ಬಿಜೆಪಿ ಮುಖಂಡ ಚಾರ ರತ್ನಾಕರ ಶೆಟ್ಟಿ, ಯುವ ಮೋರ್ಚಾ ತಾಲ್ಲೂಕು ಅಧ್ಯಕ್ಷ ಕರುಣಾಕರ ಕೋಟ್ಯಾನ್, ಬಿಜೆಪಿ ತಾಲ್ಲೂಕು ಪ್ರಧಾನ ಕಾರ್ಯದರ್ಶಿ ಮಹಾವೀರ ಹೆಗ್ಡೆ, ಗ್ರಾಮ ಪಂಚಾಯಿತಿ ಅಧ್ಯಕ್ಷರು, ಸದಸ್ಯರು, ಜನಪ್ರತಿನಿಧಿಗಳು, ತಾಲ್ಲೂಕು ಪಂಚಾಯಿತಿ ಸದಸ್ಯರು, ಜಿಲ್ಲಾ ಪಂಚಾ ಯಿತಿ ಸದಸ್ಯರು, ಬಿಜೆಪಿ ವಿವಿಧ ಘಟಕಗಳ ಪ್ರಮುಖರು, ಯುವ ಮೋರ್ಚಾ ಮುಖಂಡರಾದ ಡಿ.ಜಿ.ರಾಘ ವೇಂದ್ರ ದೇವಾಡಿಗ, ವಿಖ್ಯಾತ್ ಶೆಟ್ಟಿ, ಕಡ್ತಲ ಸುಕೇಶ್ ಹೆಗ್ಡೆ, ಎಳ್ಳಾರೆ ಸತೀಶ್ ಪೂಜಾರಿ, ಮಿಥುನ್ ಶೆಟ್ಟಿ, ಕಿರಣ್, ಸತೀಶ್, ದಿನೇಶ್ ಕುಲಾಲ್, ಸೂರಜ್, ಸುರೇಂದ್ರ ವರಂಗ, ನಾಗೇಂದ್ರ ಇದ್ದರು.