ಅಭಿಮಾನಿಗಳಲ್ಲಿ ಆತಂಕ

ವರಲಕ್ಷ್ಮೀ ಚಿತ್ರದ ಪ್ರಚಾರ ತಂತ್ರಕ್ಕೆ ನೆಟ್ಟಿಗರ ಆಕ್ರೋಶ

ವರಲಕ್ಷ್ಮೀ ಅವರ ಮುಂಬರಲಿರುವ ಚಿತ್ರ ‘ಎಚರಿಕೈ’ ಪ್ರಚಾರ ವಿಭಾಗದ ಸಿಬ್ಬಂದಿ ಮಂಗಳವಾರ ಈ ಟ್ವೀಟ್‌ ಮಾಡಿದ್ದರು. ಈ ಟ್ವೀಟ್‌ ನೋಡಿದ ಹಲವರು ನಿಜವಾಗಿಯೂ ವರಲಕ್ಷ್ಮೀ ಅವರನ್ನು ಅಪಹರಿಸಲಾಗಿದೆ ಎಂದು ಭಾವಿಸಿದ್ದರು.

ವರಲಕ್ಷ್ಮೀ ಚಿತ್ರದ ಪ್ರಚಾರ ತಂತ್ರಕ್ಕೆ ನೆಟ್ಟಿಗರ ಆಕ್ರೋಶ

ಚೆನ್ನೈ: ಚಿತ್ರರಂಗದಲ್ಲಿನ ನಟಿಯರ ಮೇಲೆ ನಡೆಯುತ್ತಿರುವ ಲೈಂಗಿಕ ಶೋಷಣೆ ಹಾಗೂ ಮಹಿಳೆಯರ ಮೇಲಿನ ದೌರ್ಜನ್ಯದ ಬಗ್ಗೆ ದನಿ ಎತ್ತಿ ಸುದ್ದಿಯಲ್ಲಿದ್ದ ತಮಿಳು ಚಿತ್ರ ನಟಿ ವರಲಕ್ಷ್ಮೀ ಶರತ್‌ ಕುಮಾರ್‌ ಈಗ ತಮ್ಮ ಮುಂಬರುವ ಚಿತ್ರದ ಪ್ರಚಾರ ತಂತ್ರದ ವಿಷಯದಲ್ಲಿ ಪೇಚಿಗೆ ಸಿಲುಕಿದ್ದಾರೆ.

ವರಲಕ್ಷ್ಮೀ ಅವರನ್ನು ಮಂಚಕ್ಕೆ ಕಟ್ಟಿ ಹಾಕಿ ಅವರ ಬಾಯಿಗೆ ಬಟ್ಟೆ ತುರುಕಿರುವ ಚಿತ್ರವನ್ನು ವರಲಕ್ಷ್ಮೀ ಅಪಹರಣಗೊಂಡಿದ್ದಾರೆ (#VaralaxmiGotKidnapped) ಎಂಬ ಹ್ಯಾಷ್‌ಟ್ಯಾಗ್‌ ಜತೆಗೆ ಟ್ವೀಟ್‌ ಮಾಡಲಾಗಿತ್ತು.

ವರಲಕ್ಷ್ಮೀ ಅವರ ಮುಂಬರಲಿರುವ ಚಿತ್ರ ‘ಎಚರಿಕೈ’ ಪ್ರಚಾರ ವಿಭಾಗದ ಸಿಬ್ಬಂದಿ ಮಂಗಳವಾರ ಈ ಟ್ವೀಟ್‌ ಮಾಡಿದ್ದರು. ಈ ಟ್ವೀಟ್‌ ನೋಡಿದ ಹಲವರು ನಿಜವಾಗಿಯೂ ವರಲಕ್ಷ್ಮೀ ಅವರನ್ನು ಅಪಹರಿಸಲಾಗಿದೆ ಎಂದು ಭಾವಿಸಿದ್ದರು.

ಈ ಟ್ವೀಟ್‌ ಕಂಡು ಗಾಬರಿಯಾಗಿದ್ದ ಹಲವು ಅಭಿಮಾನಿಗಳು ವರಲಕ್ಷ್ಮೀ ಅವರಿಗೆ ನೇರವಾಗಿ ಟ್ವೀಟ್‌ ಮಾಡಿ, ‘ಈ ಸುದ್ದಿ ನಿಜವೇ?’ ಎಂದು ಕೇಳಿದ್ದರು.

ಅಭಿಮಾನಿಗಳ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದ ವರಲಕ್ಷ್ಮೀ, ‘ನಾನು ಕ್ಷೇಮವಾಗಿದ್ದೇನೆ. ನಿಮ್ಮ ಕಾಳಜಿಗೆ ಧನ್ಯವಾದ. ಇದು ನಮ್ಮ ಮುಂದಿನ ಚಿತ್ರದ ಪ್ರಚಾರದ ಒಂದು ಭಾಗ’ ಎಂದು ಟ್ವೀಟ್‌ ಮಾಡಿದ್ದರು.

‘ಈ ಪ್ರಚಾರದ ಬಗ್ಗೆ ನನಗೆ ಮಾಹಿತಿ ಇರಲಿಲ್ಲ. ಕಾನೂನು ಇಲಾಖೆಗೆ ಮನವಿ ಸಲ್ಲಿಸಲು ಸೇವ್‌ ಶಕ್ತಿ ಅಭಿಯಾನದ ಪ್ರತಿನಿಧಿಯಾಗಿ ದೆಹಲಿಗೆ ಬಂದಿದ್ದೇನೆ. ತೊಂದರೆಗಾಗಿ ಕ್ಷಮಿಸಿ’ ಎಂದು ಮತ್ತೊಂದು ಟ್ವೀಟ್‌ನಲ್ಲಿ ವರಲಕ್ಷ್ಮೀ ಹೇಳಿದ್ದರು.

ಅದುವರೆಗೂ ವರಲಕ್ಷ್ಮೀ ಅಪಹರಣಗೊಂಡಿರಬಹುದೆಂದು ಭಾವಿಸಿದ್ದ ಹಲವರು ಈ ರೀತಿಯ ಚಿತ್ರದ ಪ್ರಚಾರ ತಂತ್ರದ ವಿರುದ್ಧ ಅಸಮಾಧಾನದ ಟ್ವೀಟ್‌ಗಳನ್ನು ಹರಿಸಲು ಮುಂದಾದರು. ಕೆಲವರು ಕಟು ಮಾತುಗಳಿಂದ ಚಿತ್ರ ತಂಡ ಹಾಗೂ ವರಲಕ್ಷ್ಮೀ ಅವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ಇದೊಂದು ಕೀಳು ಮಟ್ಟದ ಪ್ರಚಾರ ತಂತ್ರ. ಈ ರೀತಿಯ ಪ್ರಚಾರ ತಂತ್ರ ನಿಮಗೆ ಅಗತ್ಯವಿರಲಿಲ್ಲ’ ಎಂದು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ಈ ರೀತಿಯ ಪ್ರಚಾರ ತಂತ್ರಕ್ಕೆ ಮುಂದಾಗಿರುವ ಚಿತ್ರವನ್ನು ನಾನು ಬಹಿಷ್ಕರಿಸುತ್ತೇನೆ’ ಎಂದು ಕೆಲವರು ಟ್ವೀಟ್ ಮಾಡಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಈ ಬಾರಿ ಗಣೇಶ ಹಬ್ಬ ಆಚರಿಸದ ಸಲ್ಲು

ಮುಂಬೈ
ಈ ಬಾರಿ ಗಣೇಶ ಹಬ್ಬ ಆಚರಿಸದ ಸಲ್ಲು

22 Aug, 2017
‘ಸೀಕ್ರೆಟ್ ಸೂಪರ್ ಸ್ಟಾರ್’ ಮೊದಲ ಹಾಡು ಬಿಡುಗಡೆ ಮಾಡಿದ ಅಮೀರ್‌

ಬಾಲಿವುಡ್‌
‘ಸೀಕ್ರೆಟ್ ಸೂಪರ್ ಸ್ಟಾರ್’ ಮೊದಲ ಹಾಡು ಬಿಡುಗಡೆ ಮಾಡಿದ ಅಮೀರ್‌

21 Aug, 2017
ಕ್ಯಾನ್ಸರ್‍‍ನಿಂದ ಬಳಲುತ್ತಿರುವ ಗಾಯಕ ಎಲ್.ಎನ್.ಶಾಸ್ತ್ರಿ ನೆರವಿಗೆ ಮುಂದಾದ ನಟ ಜಗ್ಗೇಶ್‌

ಬೆಂಗಳೂರು
ಕ್ಯಾನ್ಸರ್‍‍ನಿಂದ ಬಳಲುತ್ತಿರುವ ಗಾಯಕ ಎಲ್.ಎನ್.ಶಾಸ್ತ್ರಿ ನೆರವಿಗೆ ಮುಂದಾದ ನಟ ಜಗ್ಗೇಶ್‌

19 Aug, 2017
‘ಸರಿಗಮಪ’ ಗಾಯಕ ಮೆಹಬೂಬ್‌ಗೆ ಸಿನಿಮಾದಲ್ಲಿ ಹಾಡುವ ಅವಕಾಶ

'ಕತ್ತಲ ಕೋಣೆ'
‘ಸರಿಗಮಪ’ ಗಾಯಕ ಮೆಹಬೂಬ್‌ಗೆ ಸಿನಿಮಾದಲ್ಲಿ ಹಾಡುವ ಅವಕಾಶ

19 Aug, 2017
ಕ್ಯಾನ್ಸರ್‍‍ನಿಂದ ಬಳಲುತ್ತಿರುವ ಖ್ಯಾತ ಗಾಯಕ ಎಲ್.ಎನ್. ಶಾಸ್ತ್ರಿ ಅವರಿಗೆ ಬೇಕಿದೆ ಸಹಾಯಹಸ್ತ

ಕರುಳು ಕ್ಯಾನ್ಸರ್‍‍ನಿಂದ ಹಾಸಿಗೆ ಹಿಡಿದ ಗಾಯಕ
ಕ್ಯಾನ್ಸರ್‍‍ನಿಂದ ಬಳಲುತ್ತಿರುವ ಖ್ಯಾತ ಗಾಯಕ ಎಲ್.ಎನ್. ಶಾಸ್ತ್ರಿ ಅವರಿಗೆ ಬೇಕಿದೆ ಸಹಾಯಹಸ್ತ

18 Aug, 2017