ಗಂಗೆ ತಂದ ಗೌರಿ

ಇತ್ತೀಚಿನ ದಿನಗಳಲ್ಲಿ ಬಾವಿಗಳು ಕಾಣಸಿಗುವುದೇ ಅಪರೂಪ. ಹಿಂದಿನ ಕಾಲದಲ್ಲಿ ಮನೆಗೊಂದು ಬಾವಿ ಇರಲೇಬೇಕೆಂಬ ಸಂಪ್ರದಾಯ ಕೂಡ ಹೆಚ್ಚಿನ ಕಡೆಗಳಲ್ಲಿತ್ತು. ಇಪ್ಪತ್ತರಿಂದ ಇಪ್ಪತ್ತೈದು ಅಡಿ ಆಳ ತೋಡಿದರೆ ಬೇಕಾದಷ್ಟು ನೀರು ಸಿಗುತ್ತಿತ್ತು.

ಬಾವಿ ತೋಡುವ ಕೆಲಸವನ್ನು ಗುತ್ತಿಗೆಗೆ ಪಡೆದುಕೊಳ್ಳುವ ಹಲವಾರು ಯುವಕರ ತಂಡಗಳಿದ್ದುವು. ಇದೀಗ ಬಾವಿ ತೋಡಲು ಕೂಲಿಯಾಳುಗಳು ಸಿಗುತ್ತಿಲ್ಲ. ಕಷ್ಟಪಟ್ಟು ಬಾವಿ ತೋಡಿದರೂ ಜಲದರ್ಶನವಾಗುವುದಿಲ್ಲ. ಈ ಎಲ್ಲಾ ಕಾರಣಗಳಿಂದ ಇದೀಗ ಪ್ರತಿ ಮನೆಗೆ ಒಂದೆರಡರಂತೆ ಕೊಳವೆಬಾವಿಗಳಿವೆ.