‘ಬಾಹುಬಲಿ’ ತೆರೆ ಹಿಂದಿನ ನಾಯಕರು

 

ಸಾಬು ಸಿರಿಲ್‌, ಕಲಾ ನಿರ್ದೇಶಕ
‘ಬಾಹುಬಲಿ’ ಸಿನಿಮಾ ನೋಡಿದವರು ಅದರಲ್ಲಿನ ಸಾವಿರ ಅಡಿ ಎತ್ತರದ ಜಲಪಾತವನ್ನು, ಅಲ್ಲಿನ ಪ್ರಭಾಸ್‌ ಮತ್ತು ತಮನ್ನಾ ಪ್ರಣಯಗೀತೆಯನ್ನು ಮರೆಯಲು ಸಾಧ್ಯವೇ ಇಲ್ಲ. ಈ ನಯನ ಮನೋಹರ ಜಲಪಾತದ ಪರಿಕಲ್ಪನೆ ಕಲಾ ನಿರ್ದೇಶಕ ಸಾಬು ಸಿರಿಲ್‌ ಅವರದು.

 

ಕಾಲ್ಪನಿಕ ಸಾಮ್ರಾಜ್ಯಗಳು ಹಾಗೂ ಯುದ್ಧದ ದೃಶ್ಯಗಳು ಸೇರಿದಂತೆ, ರಾಜಮೌಳಿ ಅವರ ಕಲ್ಪನೆಯಲ್ಲಿದ್ದ ಕಥೆಯ ಕಾಲಮಾನವನ್ನು ಪರದೆಯ ಮೇಲೆ ಸೃಷ್ಟಿಸುವಲ್ಲಿ ಇವರ ಪ್ರತಿಭೆಯೇ ಬೆನ್ನೆಲುಬಾಗಿ ಕೆಲಸ ಮಾಡಿದೆ.
 

 

ಕೆ.ವಿ ವಿಜಯೇಂದ್ರ ಪ್ರಸಾದ್‌, ಕಥೆಗಾರ
ನಿರ್ದೇಶಕ ಎಸ್‌.ಎಸ್‌. ರಾಜಮೌಳಿ ಅವರ ತಂದೆ ಕೆ.ವಿ. ವಿಜಯೇಂದ್ರ ಪ್ರಸಾದ್‌ ‘ಬಾಹುಬಲಿ’ಗೆ ಕತೆ ಬರೆದಿದ್ದಾರೆ. ಈ ಕಥೆಯನ್ನು ಬರೆಯಲು ಅವರಿಗೆ ಸ್ಫೂರ್ತಿಯಾಗಿದ್ದು ‘ಚಂದಮಾಮ’, ‘ಅಮರ ಚಿತ್ರಕತೆ’ ಹಾಗೂ ಮಹಾಭಾರತದ ಕತೆಗಳು.

ವಿಜಯೇಂದ್ರ ಪ್ರಸಾದ್‌ 1988ರಿಂದ ಸಿನಿಮಾಗಳಿಗೆ ಚಿತ್ರಕತೆ ಬರೆಯುತ್ತಿದ್ದಾರೆ. ಸಲ್ಮಾನ್‌ ಖಾನ್‌ ಅಭಿನಯದ ‘ಭಜರಂಗಿ ಭಾಯಿಜಾನ್‌’ ಸಿನಿಮಾಕ್ಕೂ ಇವರದೇ ಕಥೆ.

 

ಕೆ.ಕೆ. ಸೆಂದಿಲ್‌ ಕುಮಾರ್‌, ಸಿನಿಮಾ ಛಾಯಾಗ್ರಾಹಕ
ರಾಜಮೌಳಿ ನಿರ್ದೇಶನದ ‘ಮಗಧೀರ’ ಹಾಗೂ ‘ಈಗ’ ಸಿನಿಮಾಗಳಿಗೆ ಸಿನಿಮಾಟೋಗ್ರಾಫರ್‌ ಆಗಿ ಕೆಲಸ ಮಾಡಿದ್ದ ಸೆಂದಿಲ್‌ ಕುಮಾರ್‌ ‘ಬಾಹುಬಲಿ’ಯ ದೃಶ್ಯವೈಭವಕ್ಕೂ ಕ್ಯಾಮೆರಾ ಕಣ್ಣಾಗಿದ್ದಾರೆ. ಇವರು 2003ರಲ್ಲಿ ‘ಐತೆ’ ಎಂಬ ತೆಲುಗು ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು.