ಲಖನೌ: ಅತ್ಯಾಚಾರ ಪ್ರಕರಣದ ಆರೋಪ ಎದುರಿಸುತ್ತಿರುವ ಉತ್ತರ ಪ್ರದೇಶದ ಮಾಜಿ ಸಚಿವ ಗಾಯತ್ರಿ ಪ್ರಜಾಪತಿ ಮತ್ತು ಇತರ ಇಬ್ಬರಿಗೆ ವಿಶೇಷ ನ್ಯಾಯಾಲಯ ಜಾಮೀನು ನೀಡಿದೆ.
ಒಂದು ಲಕ್ಷ ಮೊತ್ತದ ಎರಡು ಬಾಂಡ್‌ಗಳನ್ನು ನೀಡುವಂತೆ ಆದೇಶಿಸಿ ನ್ಯಾಯಾಧೀಶ ಓಂ ಪ್ರಕಾಶ್‌ ಮಿಶ್ರಾ ಅವರು ಆದೇಶಿಸಿ ಷರತ್ತು ಬದ್ಧ ಜಾಮೀನು ಮಂಜೂರು ಮಾಡಿದರು.
ಆರೋಪಿಗಳಾದ ವಿಕಾಸ್‌ ವರ್ಮಾ ಮತ್ತು ಅಮರೇಂದ್ರ ಸಿಂಗ್‌ ಅಲಿಯಾಸ್‌ ಮಿಂಟು ಅವರಿಗೂ ಜಾಮೀನು ದೊರೆತಿದೆ.
ಸುಪ್ರೀಂ ಕೋರ್ಟ್‌ನ ಆದೇಶದ ಮೇರೆಗೆ ಫೆಬ್ರುವರಿ 17 ರಂದು ಪ್ರಜಾಪತಿ ಸೇರಿದಂತೆ ಆರು ಜನರ ವಿರುದ್ಧ ಎಫ್‌ಐಆರ್‌ ದಾಖಲಿಸಲಾಗಿತ್ತು.
