ಹರ್ಷವರ್ಧನ್ ಜಾಲಾ
ಜಗತ್ತಿನಲ್ಲಿ ಪ್ರತಿಭೆ ಮತ್ತು ಕ್ರಿಯಾಶೀಲತೆಗೆ ಎಂದಿಗೂ ಗೆಲುವು ಸಿಕ್ಕೇ ಸಿಗುತ್ತದೆ. ಅದು ಕಿರಿಯ ವಯಸ್ಸಿನಲ್ಲಾಗಿರಬಹುದು ಅಥವಾ ಹಿರಿಯ ವಯಸ್ಸಿನಲ್ಲಾಗಿರಬಹುದು! ಈ ಜಗತ್ತು, ಈ ಸಮಾಜ ಅವರನ್ನು ಗುರುತಿಸುವುದು ಶತಸಿದ್ಧ! ಇದಕ್ಕೆ, ಗುಜರಾತ್ನ 14 ವರ್ಷದ ಬಾಲಕ ಹರ್ಷವರ್ಧನ್ ಜಾಲಾ ಅವರ ಸಾಧನೆಯೇ ಸಾಕ್ಷಿ.
ಹತ್ತನೇ ತರಗತಿ ವ್ಯಾಸಂಗ ಮಾಡುತ್ತಿರುವ ಹರ್ಷವರ್ಧನ್, ಮನೆಯವರ ನೆರವು ಪಡೆದು 5 ಲಕ್ಷ ರೂಪಾಯಿ ವೆಚ್ಚದಲ್ಲಿ ಎರಡು ಸಣ್ಣ ಡ್ರೋಣ್ ಮಾದರಿಗಳನ್ನು ತಯಾರಿಸುವ ಮೂಲಕ ದೇಶದ ಗಮನ ಸೆಳೆದಿದ್ದಾನೆ.
ಇದೀಗ ಗುಜರಾತ್ ಸರ್ಕಾರದ ಸಹಯೋಗದಲ್ಲಿ 5 ಕೋಟಿ ರೂಪಾಯಿ ವೆಚ್ಚದಲ್ಲಿ ನೂತನ ಡ್ರೋಣ್ ಅಭಿವೃದ್ಧಿಪಡಿಸುವ ಯೋಜನೆಯನ್ನು ಹರ್ಷವರ್ಧನ್ ಕೈಗೆತ್ತಿಕೊಂಡಿದ್ದಾನೆ. ಈಗಾಗಲೇ ಹೊಸ ಡ್ರೋಣ್ ಬಗ್ಗೆ ಪೇಟೆಂಟ್ ಪಡೆದಿರುವ ಈತ ಸ್ಥಳೀಯ ವಿಜ್ಞಾನಿಗಳ ಸಹಕಾರದೊಂದಿಗೆ ಕಾರ್ಯಮಗ್ನರಾಗಿದ್ದಾರೆ.
ನಾಗರಿಕರು ಮತ್ತು ಸೇನಾ ಯೋಧರ ಅಮೂಲ್ಯ ಪ್ರಾಣವನ್ನು ರಕ್ಷಿಸುವ ಸಲುವಾಗಿ ಈ ಡ್ರೋಣ್ ನಿರ್ಮಾಣ ಮಾಡಲಾಗುತ್ತಿದೆ. ಭೂಕುಸಿತ, ಹಿಮಪಾತ ಹಾಗೂ ಯುದ್ಧದ ಸಂದರ್ಭಗಳಲ್ಲಿ ಅಪಾಯದಲ್ಲಿರುವ ನಾಗರಿಕರು ಅಥವಾ ಯೋಧರನ್ನು ಸುಲಭವಾಗಿ ಪತ್ತೆ ಹಚ್ಚುವುದು ಇದರ ವಿಶೇಷ.
ಹಾಗೇ ಸಣ್ಣ ಬಾಂಬ್ ಅನ್ನು ಕೂಡ ಹೊತ್ತೊಯ್ಯಬಲ್ಲ ಸಾಮರ್ಥ್ಯವನ್ನು ಇದು ಹೊಂದಿದೆ. ಚಾಲಕರಹಿತವಾಗಿ ಹಾರಾಟ ನಡೆಸುವ ಈ ಡ್ರೋಣ್ ಹವಾಮಾನ ವೈಪರೀತ್ಯದ ಸಂದರ್ಭಗಳಲ್ಲೂ ಕೆಲಸ ಮಾಡಬಲ್ಲದು! ಹಾಗೇ ಅಡೆತಡೆಗಳ ನಡುವೆಯೂ ನಿಖರವಾಗಿ ಚಿತ್ರಗಳನ್ನು ಸೆರೆಹಿಡಿಯಬಲ್ಲದು.
ಸುದ್ದಿ ವಾಹಿನಿಗಳಲ್ಲಿ ಬಿತ್ತರಗೊಳ್ಳುತ್ತಿದ್ದ ಯೋಧರ ನಾಪತ್ತೆ ಪ್ರಕರಣಗಳೇ ಈ ಡ್ರೋಣ್ ಆವಿಷ್ಕಾರಕ್ಕೆ ಸ್ಫೂರ್ತಿಯಾಗಿದೆ ಎಂದು ಹರ್ಷವರ್ಧನ್ ಹೇಳುತ್ತಾನೆ. ನಿಜಕ್ಕೂ ಹರ್ಷವರ್ಧನ್ ಸಾಧನೆ ಅನನ್ಯ ಮತ್ತು ಇಂದಿನ ಯುವ ಪೀಳಿಗೆಗೆ ಮಾದರಿಯಾಗಿದೆ.
www.facebook/harshwardhanzal/drone
****
ಮೀನು ಸಿಂಘಾಲ್ಜಾ
ಗತಿಕವಾಗಿ ಮಹಿಳೆಯರು ಎರಡು ಬಹು ಮುಖ್ಯ ಸವಾಲುಗಳನ್ನು ಎದುರಿಸುತ್ತಿದ್ದಾರೆ! ಒಂದು ವೃತ್ತಿ ಜೀವನ, ಮತ್ತೊಂದು ಸಂಸಾರ! ಕೆಲಸ ಮಾಡುತ್ತಲೇ ಸಂಸಾರ ತೂಗಿಸುವುದು ಬಹಳ ಕಷ್ಟದ ಕೆಲಸ ಎನ್ನುತ್ತಾರೆ ಯುವ ಸಾಧಕಿ ಮೀನು ಸಿಂಘಾಲ್.
ವೃತ್ತಿಜೀವನಕ್ಕೆ ಹೆಚ್ಚು ಒತ್ತು ಕೊಟ್ಟರೆ, ಮನೆ ಮತ್ತು ಮಕ್ಕಳನ್ನು ಸಹಜವಾಗಿಯೇ ನಿರ್ಲಕ್ಷಿಸಿದಂತಾಗುತ್ತದೆ. ಸಂಸಾರಕ್ಕೆ ಹೆಚ್ಚಿನ ಪ್ರಾಧಾನ್ಯ ನೀಡಿದರೆ ಕೆಲಸ ಕಳೆದುಕೊಳ್ಳುವ ಅಪಾಯ ಎದುರಾಗುತ್ತದೆ. ಈ ಎರಡನ್ನೂ ಸರಿದೂಗಿಸುವುದು ಕಷ್ಟ ಎನ್ನುತ್ತಾರೆ ಅವರು.
ಮೀನು, ರಾಜಸ್ತಾನದ ಜೈಪುರದವರು. ವಿವಾಹಿತರಾಗಿರುವ ಅವರು ಮೂರು ವರ್ಷಗಳ ಹಿಂದೆ ಕಾರ್ಪೊರೇಟ್ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಕೆಲಸದ ಒತ್ತಡದಿಂದಾಗಿ ಮಗಳ ಜತೆ ಕಾಲ ಕಳೆಯಲೂ ಸಾಧ್ಯವಾಗುತ್ತಿರಲಿಲ್ಲ. ಹಾಗೆಂದು ಕೆಲಸವನ್ನು ನಿರ್ಲಕ್ಷ್ಯ ಮಾಡದಿರುವ ಅನಿವಾರ್ಯ ಸ್ಥಿತಿ ಅವರದ್ದು. ಕೊನೆಗೆ ಕೆಲಸಕ್ಕೆ ರಾಜೀನಾಮೆ ಕೊಟ್ಟು ಮಗಳ ಜತೆ ಕಾಲ ಕಳೆಯ ತೊಡಗಿದರು.