ಭರದಿಂದ ಸಾಗಿದ ಹೂಳೆತ್ತುವ ಕಾಮಗಾರಿ

ಇದೀಗ ಕೆರೆ ಹೂಳು ತೆಗೆಯುತ್ತಿರುವುದರಿಂದ ಭವಿಷ್ಯದಲ್ಲಿ ಈ ಭಾಗದ ಕೊಳವೆಬಾವಿ, ಗ್ರಾಮದ ತೆರೆದಬಾವಿಗಳ ಅಂತರ್ಜಲ ಮಟ್ಟ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಗ್ರಾಮಸ್ಥರು ಅನಿಸಿಕೆ ವ್ಯಕ್ತಪಡಿಸುತ್ತಾರೆ.ಶಾಸಕ ಟಿ.ಎಚ್‌. ಸುರೇಶ್‌ಬಾಬು ಆಸಕ್ತಿಯೇ ಕೆರೆ ಕಾಯಕಲ್ಪಕ್ಕೆ ಕಾರಣ ಎಂದು ಹೊಸಪೇಟೆ ತಾಲ್ಲೂಕು ಪಂಚಾಯಿತಿ ಸ್ಥಾಯಿ ಸಮಿತಿ ಅಧ್ಯಕ್ಷ ಸಿ.ಡಿ. ಮಹಾದೇವ ತಿಳಿಸಿದರು.

ಮೆಟ್ರಿ ಗ್ರಾಮದ ಗುಂಡೆಹನುಮಪ್ಪ, ಹೊಸಕೆರೆ, ಕೆಂಪುವಡ್ಲು, ಕಾಸಿಹಳ್ಳ ವ್ಯಾಪ್ತಿಯಲ್ಲಿ 903 ಎಕರೆ ಖುಷ್ಕಿ ಭೂಮಿ ಇದ್ದು, ತುಂಗಭದ್ರಾ ಎಚ್‌ಎಲ್‌ಸಿ 1ಆರ್ ನಂ.2 ವಿತರಣಾ ಕಾಲುವೆ ಮೂಲಕ ಕೆರೆಗೆ ನೀರು ಒದಗಿಸಿದಲ್ಲಿ   ರೈತರಿಗೆ ತುಂಬಾ ಅನುಕೂಲವಾಗಲಿದೆ. ಈ ನಿಟ್ಟಿನಲ್ಲಿ ಶಾಸಕರು ಗಮನಹರಿಸುವಂತೆ ಗ್ರಾಮದ ನೀರಾವರಿ ಯೋಜನಾ ಸಮಿತಿ ಸದಸ್ಯರಾದ ಜಿ. ಜಡೇಗೌಡ, ಬಿ. ಚಿದಾನಂದಪ್ಪ ಇತರೆ ರೈತರು ಮನವಿ ಮಾಡಿದ್ದಾರೆ.