ಬೆಂಗಳೂರು: ನ್ಯಾಷನಲ್‌ ಬಿಬ್ಲಿಕಲ್‌ ಕ್ಯಾಥೆಕೆಟಿಕಲ್‌ ಆ್ಯಂಡ್ ಲೆತರ್ಜಿಕಲ್‌ ಸೆಂಟರ್‌ನ (ಎನ್‌ಬಿಸಿಎಲ್‌ಸಿ) ಸುವರ್ಣ ಮಹೋತ್ಸವ ನಗರದ ಮರಿಯಾ ನಿಕೇತನ ಶಾಲಾ ಮೈದಾನದಲ್ಲಿ ಮಂಗಳವಾರ ನಡೆಯಿತು.
ಇದೇ ಮೊದಲ ಬಾರಿಗೆ ಭಾರತಕ್ಕೆ ಭೇಟಿ ನೀಡಿದ್ದ ವ್ಯಾಟಿಕನ್‌ ರಾಯಭಾರಿ ಜಿಯಾಮ್‌ಬ್ಯಾಟ್ಟಿಸ್ಟ ಡಿಕ್ವಾತ್ರೊ ಇಲ್ಲಿ ಪೂಜಾ ಕೈಂಕಾರ್ಯಗಳನ್ನು ನೆರವೇರಿಸಿ, ಪ್ರಾರ್ಥಿಸಿ ಎಲ್ಲರಿಗೂ ಶುಭ ಹಾರೈಸಿದರು. ಇದೇ ವೇಳೆ ದೇಶದ ವಿವಿಧ ಭಾಗದ ನಾಲ್ವರು ಕಾರ್ಡಿನಲ್‌ಗಳು ಹಾಗೂ 45 ಬಿಷಪ್‌ಗಳು ಪಾಲ್ಗೊಂಡಿದ್ದರು.
ಕ್ಯಾರ್ಥೋಲಿಕ್ ಬಿಷಪ್ಸ್ ಕಾನ್ಫರೆನ್ಸ್ (ಸಿಬಿಸಿಐ) ಅಧ್ಯಕ್ಷ ಕಾರ್ಡಿನಲ್ ಬಸೇಲಿಯಸ್ ಕ್ಲೀಮಿಸ್, ‘ಚರ್ಚ್‌ಗಳ ಅಸ್ತಿತ್ವವೇ ಕುಸಿಯುತ್ತಿದೆ. ಸ್ಥಳೀಯ ಸಂಸ್ಕೃತಿಯನ್ನು ಅಳವಡಿಸಿಕೊಳ್ಳಲು ಸಹ ಅನೇಕ ಸವಾಲುಗಳನ್ನು ಎದುರಿಸುತ್ತಿದ್ದೇವೆ. ಇತ್ತೀಚೆಗೆ ನಡೆಯುತ್ತಿರುವ ಮೂಲಭೂತವಾದಿ ಚಟುವಟಿಕೆಗಳು ಮತ್ತು ಸಿದ್ಧಾಂತಗಳಿಂದ ಅನೇಕ ಸಂಕಷ್ಟಗಳು ಎದುರಾಗಿವೆ’ ಎಂದು ಆತಂಕ ವ್ಯಕ್ತಪಡಿಸಿದರು.
