ಯಕೃತ್ ಆರೋಗ್ಯಕ್ಕಾಗಿ ಏನೇನು ಮಾಡಬೇಕು?

ಯಕೃತ್ತು ಯಾವುದೇ ಪ್ರತಿರೋಧ, ಸೂಚನೆಯಿಲ್ಲದೆ ಅನೇಕ ನೋವುಗಳನ್ನು ಮೌನದಲ್ಲೇ ಸಹಿಸುತ್ತದೆ. ಜಾಂಡೀಸ್, ಹೊಟ್ಟೆಯಲ್ಲಿ ಅನವಶ್ಯಕ ದ್ರವ ಸೇರುವುದು, ರಕ್ತ ವಾಂತಿ – ಈ ಲಕ್ಷಣಗಳೆಲ್ಲವೂ ಯಕೃತ್ತು ಗಂಭೀರ ಸ್ವರೂಪದ ಕಾಯಿಲೆಗೆ ತುತ್ತಾಗಿರುವ ಲಕ್ಷಣವಾಗಿರಬಹುದು. ಈ ತೊಂದರೆಗಳಿಗೆ ಮೊದಲು – ಸುಸ್ತು, ವಾಂತಿ ಮತ್ತು ನಿರ್ದಿಷ್ಟವಲ್ಲದ ಸೂಚನೆಗಳು ಕಾಣಿಸುತ್ತವೆ.

ಯಕೃತ್ತಿನ ಕಾರ್ಯಶೈಲಿ ಹಾಗೂ ಯಕೃತ್ತಿನ ಆರೋಗ್ಯದ ಬಗ್ಗೆ ತಿಳಿಯಲು ಸಾಮಾನ್ಯವಾಗಿ ರಕ್ತಪರೀಕ್ಷೆ ಅಥವಾ ಅಲ್ಟ್ರಾಸೌಂಡ್ ಸ್ಕ್ಯಾನಿಂಗ್ ಮಾಡಿಸಲಾಗುತ್ತದೆ.

ಯಕೃತ್ತಿನಲ್ಲಿ ಹೆಚ್ಚುವರಿ ಬೊಜ್ಜು ಇದ್ದರೆ ಅದು ಅಪಾಯಕಾರಿ. ಈ ಹೆಚ್ಚುವರಿ ಬೊಜ್ಜನ್ನು ಅಲ್ಟ್ರಾಸೌಂಡ್ ಮೂಲಕ ಕಂಡುಹಿಡಿಯಬಹುದು. ಈ ಸಮಸ್ಯೆಯನ್ನು ವೈದ್ಯಕೀಯವಾಗಿ ‘ಸ್ಟಿಟೋಹೆಪಟೈಟಿಸ್’ ಎನ್ನಲಾಗುತ್ತದೆ. ಗಮನಿಸದೇ ಇದ್ದರೆ ಇದು ‘ಫೈಬ್ರೊಸಿಸ್’ ಮತ್ತು ‘ಸಿರೋಸಿಸ್’ ಆಗಿ ಪರಿವರ್ತನೆಯಾಗುವ ಸಂಭವವಿದೆ.

ಯಕೃತ್ತಿನ ಬೊಜ್ಜು ತಡೆಯಲು ಹೀಗೆ ಮಾಡಿ:
* ಆರೋಗ್ಯಕರ ಜೀವನ ಶೈಲಿ
* ಪ್ರತಿದಿನ ಅರ್ಧಗಂಟೆ ವ್ಯಾಯಾಮ
* ವಾರದಲ್ಲಿ ನಾಲ್ಕು ದಿನ ಕಸರತ್ತು
* ಪ್ರೊಟೀನ್‌ಯುಕ್ತ ಹಣ್ಣು–ತರಕಾರಿ ಸೇವನೆ

ಯಕೃತ್ತಿನ ಆರೋಗ್ಯ ಕೆಡಿಸುವಲ್ಲಿ ಮದ್ಯಪಾನಕ್ಕೆ ಮೊದಲ ಸ್ಥಾನ ಇದೆ.  ಕೆಲವು ಪಾಶ್ಚಿಮಾತ್ಯ ದೇಶಗಳಲ್ಲಿ  ಸುರಕ್ಷಿತ ಮದ್ಯಪಾನ ಮಿತಿ ರೂಢಿಯಲ್ಲಿದೆ. ಈ ಮಿತಿ, ವಾರಕ್ಕೆ 14 ಯುನಿಟ್ ಆಗಿದೆ. ಒಂದು ಆಲ್ಕೋಹಾಲ್ ಯುನಿಟ್ 8 ಗ್ರಾಂ ಆಗಿದೆ.  ಇದು 25 ಎಂ.ಎಲ್. ವಿಸ್ಕಿ ಅಥವಾ ಪಿಂಟ್‌ಗೆ ಸಮವಾಗಿದೆ.  ಇದರ ಜೊತೆಗೆ 48 ಗಂಟೆ ಮದ್ಯಪಾನ ಮುಕ್ತ ಅವಧಿಯನ್ನು ಹೊಂದಿರಬೇಕು.

ಮದ್ಯಪಾನ ಸೇವನೆಯ ಸಾಮರ್ಥ್ಯ ವ್ಯಕ್ತಿಗತವಾಗಿ ಏರುಪೇರಾಗಲಿದ್ದು, ಭಾರತೀಯರಿಗೆ ಕಡಿಮೆ ಆಗಿರುತ್ತದೆ.  ಮದ್ಯಪಾನದಿಂದ ಸಾಮಾಜಿಕ, ವ್ಯಕ್ತಿಗತ, ಕೌಟುಂಬಿಕ, ವೈವಾಹಿಕ ಹಾಗೂ ಕಾನೂನು ಸಮಸ್ಯೆಗಳು ಕಾಡುತ್ತವೆ. ಕೆಲವೊಂದು ಬಾರಿ ಇದು ವೈದ್ಯಕೀಯ ಚಿಕಿತ್ಸೆ ಮೀರಿದ ತೊಡಕು ಆಗಿರುತ್ತದೆ.

ಮದ್ಯಪಾನ ಹೊರತುಪಡಿಸಿ ಸೋಂಕು ಕೂಡಾ ಯಕೃತ್ತಿನ ಅನಾರೋಗ್ಯಕ್ಕೆ ಕಾರಣವಾಗಿದೆ. ‘ಹೆಪಟೈಟಿಸ್ ಬಿ’ ಒಂದು ಪರಿಣಾಮಕಾರಿ  ಲಸಿಕೆ ಆಗಿದೆ. ‘ಹೆಪಟೈಟಿಸ್ ಎ’ ಮತ್ತು ‘ಇ’ ಆಹಾರ ಮತ್ತು ನೀರಿನಿಂದ ಹರಡುವ ಯಕೃತ್‌ ಸಮಸ್ಯೆಗಳಾಗಿವೆ.  ಹೀಗಾಗಿ ಸುರಕ್ಷತೆ ಮತ್ತು ಸ್ವಚ್ಛತೆಗೆ ಹೆಚ್ಚಿನ ಒತ್ತು ನೀಡಬೇಕು. ‘ವೈರಲ್ ಹೆಪಟೈಟಿಸ್’ ಅನ್ನು ಸ್ವಚ್ಛತೆಯಿಂದ ಕ್ರಮಗಳಿಂದ ಗುಣಪಡಿಸಬಹುದು.

ಕೆಲವೊಂದು ಬಾರಿ ಯಕೃತ್ ವೈಫಲ್ಯವೂ ಪರಿಸ್ಥಿತಿಯನ್ನು ಇನ್ನಷ್ಟು ಗಂಭೀರವಾಗಿಸಲಿದೆ. ಹೀಗಾಗಿ, ಪರ್ಯಾಯ ಕ್ರಮಗಳನ್ನು ಪಾಲಿಸುವಾಗ ಹೆಚ್ಚಿನ ಜಾಗೃತಿ ಅಗತ್ಯವಾಗಿದೆ.