ಈಗಲಾದ್ರೂ ಸ್ಟ್ರಾಂಗ್‌ ಆಗ್ರೀ ಮೇಡಂ...!

ಈಚೆಗೆ ನಡೆದ ವಿಜಯಪುರ ಮಹಾನಗರ ಪಾಲಿಕೆ ಸಾಮಾನ್ಯ ಸಭೆಯಲ್ಲಿ ಬಿಜೆಪಿ ಸದಸ್ಯ ರಾಹುಲ ಜಾಧವ ಮೇಯರ್‌ ಅನೀಸ್‌ ಫಾತಿಮಾ ಬಕ್ಷಿ ಅವರ ಕಾಲೆಳೆದ ಪರಿಯಿದು.

‘ನಾವು ನಿಮ್ಮ ಜೊತೆ ಬರ್ತೀವಿ. ಸಿ.ಎಂ. ಸಿದ್ದರಾಮಯ್ಯ ಬಳಿ ನಿಯೋಗ ಹೋಗಿ ‘ಮಹಾರಾಷ್ಟ್ರದವರಿಗೆ ನಾವ್‌ ನೀರ್‌ ಕೊಟ್ಟೀವಿ. ನಮ್ಗ ಅವರಿಂದ ನೀರ್ ಬಿಡಿಸಿ’ ಎಂದು ಕೇಳಿಕೊಳ್ಳೋಣ’ ಎಂದು ಹೇಳಿದರೂ, ಮೇಯರ್ ತುಟಿ ಬಿಚ್ಚಲಿಲ್ಲ.

ಸಭೆಯ ವಿಷಯಪಟ್ಟಿಯಲ್ಲಿ ಈ ಬಗ್ಗೆ ಚರ್ಚಿಸಿ, ಠರಾವು ಅಂಗೀಕರಿಸಿ ರಾಜ್ಯ ಸರ್ಕಾರಕ್ಕೆ ಕಳುಹಿಸಿಕೊಡಬೇಕು ಎಂಬ ಅಜೆಂಡಾ ಇದ್ದರೂ ಮೇಯರ್ ಮಾತ್ರ ಮೌನಗೌರಿಯಾಗಿದ್ದರು.