ಪಾಶ್ಚಾತ್ಯ ನಾಟಕಗಳಿಗೆ ಸ್ಥಳೀಯತೆ ಕೊಟ್ಟ ಬಾಪಟ್‌

ಬಾಪಟ್‌ ಮಹಾಕಾವ್ಯವನ್ನು ಆಧರಿಸಿ  ರಂಗಪಠ್ಯ ರಚಿಸಿದ್ದರು. ಇದು ಎಲ್ಲ ವರ್ಗವನ್ನು ತಲುಪುವಂತೆ ನೋಡಿ ಕೊಂಡಿದ್ದರು ಎಂದು ತಿಳಿಸಿದರು.

ವೃತ್ತಿಪರವಲ್ಲದ ನಟರನ್ನು ಅಭಿನಯದಲ್ಲಿ ಪಳಗಿಸಿ ಅವರನ್ನು ಹವ್ಯಾಸಿ ರಂಗಭೂಮಿಯಲ್ಲಿ ತೊಡಗಿಸಿದ ಕೀರ್ತಿ  ಬಾಪಟ್‌ರಿಗೆ ಸಲ್ಲುತ್ತದೆ. ರಂಗ ನಟನೆಯ ಬಗ್ಗೆ ಶೋಧಕ ಪ್ರವೃತ್ತಿ ಅವರಲ್ಲಿತ್ತು ಎಂದು ತಿಳಿಸಿದರು. ಉಪನ್ಯಾಸಕ ಪಿ.ವಿ.ಸುಬ್ಬರಾವ್‌ ಪ್ರತಿಕ್ರಿಯೆ ನೀಡಿದರು.

ಸದಾಶಿವ ಜೋಯ್ಸ್‌ ಮಾತನಾಡಿ, ರಂಗಕೃತಿಯನ್ನು ತಳ ಸಮುದಾಯದ ಒಳಿತಿನ ದೃಷ್ಟಿಕೋನದಲ್ಲಿ ನೋಡುವ ಬಗೆಯನ್ನು ಕಲಿಸಿದವರು ಬಾಪಟ್. ವಸ್ತುನಿಷ್ಠ ಜಾತ್ಯತೀತತೆಗೆ ಒತ್ತು ನೀಡಿದ್ದರು ಎಂದು ನೆನಪಿಸಿಕೊಂಡರು.

‘ರಂಗ ನಿರ್ದೇಶಕರಾಗಿ ಬಾಪಟ್‌’  ಕುರಿತು ರಂಗಕರ್ಮಿ ಬಿ.ಆರ್‌.ವಿಜಯವಾಮನ್‌ ಮಾತನಾಡಿ, ರಂಗಭೂಮಿಗೆ ಸಂಬಂಧಪಟ್ಟ ಯಾವುದೇ ಮೂಲಸೌಕರ್ಯಗಳು ಇಲ್ಲದ ಕಾಲದಲ್ಲಿ ಅದಕ್ಕಾಗಿ ತನುಮನ ಧನವನ್ನು ಅರ್ಪಿಸಿಕೊಂಡವರು ಬಾಪಟ್ ಎಂದರು.

ಸಂಭಾಷಣೆ ಪ್ರಧಾನವಾಗಿರುವ ಶ್ರೀರಂಗರ ನಾಟಕಗಳ ಪೈಕಿ ‘ರಂಗ ಭಾರತ’ವನ್ನು ರಂಗದ ಮೇಲೆ ತರುವಾಗ ಮಾತನ್ನು ಗೌಣವಾಗಿಸಿ ಪ್ರದರ್ಶನ ಕಳೆಕಟ್ಟುವಂತೆ ಮಾಡಿದ್ದು ಬಾಪಟ್‌ರ ವಿಶೇಷತೆ. ರಂಗ ವಿನ್ಯಾಸದ ಬಗ್ಗೆ ಅವರಿಗೆ ಅಪೂರ್ವ ಕಲ್ಪನೆ ಇತ್ತು ಎಂದು ಹೇಳಿದರು.

ಪತ್ರಕರ್ತ ಎಚ್‌.ಬಿ.ರಾಘವೇಂದ್ರ, ರಂಗ ನಿರ್ದೇಶಕ ಗೌರಿಶಂಕರ್‌ ಪ್ರತಿಕ್ರಿಯಿಸಿದರು. ರಂಗಕರ್ಮಿ ಎಸ್.ಮಾಲತಿ ಅಧ್ಯಕ್ಷತೆ ವಹಿಸಿದ್ದರು.   ಟ್ರಸ್ಟ್‌ನ ಅಧ್ಯಕ್ಷ ಬಸ್ತಿ ಸದಾನಂದ ಪೈ ಹಾಜರಿದ್ದರು. ಮಂಜುನಾಥ್‌ ಜೇಡಿಕುಣಿ ಗೋಷ್ಠಿಯನ್ನು ನಿರ್ವಹಿಸಿದರು.