ಭಾಲ್ಕಿ:ಪಟ್ಟಣದ ಉಪನ್ಯಾಸಕರ ಬಡಾವಣೆಯಲ್ಲಿ ಸೋಮವಾರ ಪ್ರದೀಪ ಅಷ್ಟೂರೆ ಅವರಿಗೆ ಸೇರಿದ ಏಳು ವರ್ಷದ ಆಕಳ ಹೊಟ್ಟೆಯಿಂದ 50 ಕೆಜಿ ಪ್ಲಾಸ್ಟಿಕ್ ಹೊರ ತೆಗೆಯಲಾಗಿದೆ.
ಹಲವು ದಿನಗಳಿಂದ ಆಕಳ ಹೊಟ್ಟೆ ಉಬ್ಬುತ್ತಿರುವುದು ಕಂಡ ಅಷ್ಟೂರೆ ಭಯಗೊಂಡಿದ್ದರು. ಪಶುತಜ್ಞ ಡಾ.ಸಮುದ್ರ ಕುಲಕರ್ಣಿ ಮತ್ತು ಪಶು ವೈದ್ಯಕೀಯ ಪರೀಕ್ಷಕ ವೈಜಿನಾಥ ಮಾನಕರಿಯವರ ಗಮನಕ್ಕೆ ತಂದಿದ್ದರು.
ಆಕಳನ್ನು ಪರೀಕ್ಷಿಸಿದ ವೈದ್ಯ ಕುಲಕರ್ಣಿ ಅವರು ಎರಡು ಗಂಟೆ ಶಸ್ತ್ರಚಿಕಿತ್ಸೆ ನಡೆಸಿ, ಆಕಳ ಹೊಟ್ಟೆಯಿಂದ ಪ್ಲಾಸ್ಟಿಕ್ ಹೊರತೆಗೆದರು.
