ಎನ್ಎಸ್ಜಿ ಸದಸ್ಯತ್ವ ಪಡೆಯಲು ಭಾರತವು ಮನವಿ ಸಲ್ಲಿಸಿದ ಬೆನ್ನಲ್ಲೇ ಚೀನಾದ ಬೆಂಬಲದೊಂದಿಗೆ ಪಾಕಿಸ್ತಾನವೂ ಸದಸ್ಯತ್ವಕ್ಕೆ ಮನವಿ ಸಲ್ಲಿಸಿತ್ತು. ಭಾರತಕ್ಕೆ ಅಮೆರಿಕ ಬಲವಾದ ಬೆಂಬಲ ನೀಡಿದೆ. ಆದರೆ, ಹೊಸ ರಾಷ್ಟ್ರಗಳಿಗೆ ಸದಸ್ಯತ್ವ ನೀಡಬೇಕಾದರೆ ಅವುಗಳು ಅಣ್ವಸ್ತ್ರ ಪ್ರಸರಣ ತಡೆ ಒಪ್ಪಂದಕ್ಕೆ ಸಹಿ ಹಾಕಲೇಬೇಕು ಎಂಬುದು ಚೀನಾದ ವಾದವಾಗಿದೆ. ಅಣ್ವಸ್ತ್ರ ಪ್ರಸರಣ ತಡೆ ಒಪ್ಪಂದಕ್ಕೆ ಭಾರತ ಸಹಿ ಹಾಕಿಲ್ಲ. ಒಪ್ಪಂದದಲ್ಲಿರುವ ತಾರತಮ್ಯ ನಿವಾರಿಸಿದರೆ ಸಹಿ ಹಾಕುವುದಾಗಿ ಭಾರತ ಹೇಳಿದೆ.