ಮೈಸೂರು: ಪಿರಿಯಾಪಟ್ಟಣ ತಾಲ್ಲೂಕಿನ ಗ್ರಾಮವೊಂದರಲ್ಲಿ 6 ವರ್ಷದ ಬಾಲಕಿ ಮೇಲೆ ನೆರೆ ಮನೆಯ ಯುವಕ ಅತ್ಯಾಚಾರ ನಡೆಸಿದ್ದಾನೆ.
ಆರೋಪಿ ಅಶೋಕ್‌ (24) ಎಂಬಾತನನ್ನು ಗ್ರಾಮಸ್ಥರು ಥಳಿಸಿ ಬೆಟ್ಟದಪುರ ಠಾಣೆಯ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಅಸ್ವಸ್ಥಗೊಂಡ ಬಾಲಕಿಯನ್ನು ಚೆಲುವಾಂಬ ಆಸ್ಪತ್ರೆಗೆ ದಾಖಲಿಸಲಾಗಿದೆ.
‘ಬ್ಯಾಂಕ್‌ಗೆ ತೆರಳಿದ್ದ ಪೋಷಕರು ಬಾಲಕಿಯನ್ನು ನೋಡಿಕೊಳ್ಳಲು ನೆರೆಮನೆಯ ಅಶೋಕ್‌ಗೆ ಹೇಳಿದ್ದರು. ಟಿ.ವಿ ವೀಕ್ಷಿಸುತ್ತಿದ್ದವಳನ್ನು ಚಾಕ್‌ಲೇಟ್‌ ಕೊಡಿಸುವುದಾಗಿ ಆಮಿಷವೊಡ್ಡಿ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾನೆ’ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
‘ಮನೆಗೆ ಮರಳಿದ ಪೋಷಕರಿಗೆ ಬಾಲಕಿ ಮಾಹಿತಿ ನೀಡಿದ್ದಾಳೆ. ಯುವಕನನ್ನು ಹಿಡಿದು ವಿಚಾರಿಸಿದಾಗ ಕೃತ್ಯ ಬೆಳಕಿಗೆ ಬಂದಿದೆ’ ಎಂದು ವಿವರಿಸಿದ್ದಾರೆ.
