, ಮಳೆಗಾಲದಲ್ಲಿ ಮೊಳಕೆ ಕಟ್ಟಿದ ಹುರುಳಿ ಸಾರಿನ ರುಚಿ ನೋಡಿ! | ಪ್ರಜಾವಾಣಿ
ಪ್ರಜಾವಾಣಿ ರೆಸಿಪಿ

ಮಳೆಗಾಲದಲ್ಲಿ ಮೊಳಕೆ ಕಟ್ಟಿದ ಹುರುಳಿ ಸಾರಿನ ರುಚಿ ನೋಡಿ!

ಮಳೆಗಾಲದಲ್ಲಿ ಮೊಳಕೆ ಕಟ್ಟಿದ ಹುರುಳಿಯನ್ನು ಸೇವಿಸಿದರೆ ದೇಹವನ್ನು ಬಿಸಿಯಾಗಿಡುವುದರ ಜತೆಗೆ ಸಾಕಷ್ಟು ಖನಿಜಾಂಶಗಳು ದೊರೆಯುತ್ತವೆ. ಮೊಳಕೆ ಕಟ್ಟಿದ ಹುರುಳಿ ಸಾರನ್ನು ಮಾಡುವುದಕ್ಕೆ ಬೇಕಾಗುವ ಸಾಮಗ್ರಿ ಮತ್ತು ವಿಧಾನವನ್ನು ಇಲ್ಲಿ ನೀಡಲಾಗಿದೆ .

ಮಳೆಗಾಲದಲ್ಲಿ ಮೊಳಕೆ ಕಟ್ಟಿದ ಹುರುಳಿಯನ್ನು ಸೇವಿಸಿದರೆ ದೇಹವನ್ನು ಬಿಸಿಯಾಗಿಡುವುದರ ಜತೆಗೆ ಸಾಕಷ್ಟು ಖನಿಜಾಂಶಗಳು ದೊರೆಯುತ್ತವೆ. ಮೊಳಕೆ ಕಟ್ಟಿದ ಹುರುಳಿ ಸಾರನ್ನು ಮಾಡುವುದಕ್ಕೆ ಬೇಕಾಗುವ ಸಾಮಗ್ರಿ ಮತ್ತು   ವಿಧಾನವನ್ನು ಇಲ್ಲಿ  ನೀಡಲಾಗಿದೆ.

ಸಾಮಗ್ರಿಗಳು

1. ಮೊಳಕೆ ಕಟ್ಟಿದ ಹುರುಳಿ -                 ಒಂದು ಕಪ್
2. ಕೆಂಡದ ಮೇಲೆ ಸುಟ್ಟ ಈರುಳ್ಳಿ -          ಒಂದು
3. ಉಪ್ಪು -                                      ಸ್ವಲ್ಪ
4. ಟೊಮ್ಯಾಟೊ ಹೆಚ್ಚಿದ್ದು -                    02
5. ಕಪ್ಪು ಬದನೆಕಾಯಿ -                        02
6. ಆಲೂಗಡ್ಡೆ -                                  02
7. ಎಣ್ಣೆ -                                         ಸ್ವಲ್ಪ

ರುಬ್ಬುವುದಕ್ಕೆ
1. ತೆಂಗಿನ ತುರಿ -             1 1/2 ಕಪ್
2. ಅರಿಶಿನ -                    1/2  ಚಮಚ
3. ಧನಿಯಾ ಪುಡಿ -            02 ಚಮಚ
4. ಖಾರದ ಪುಡಿ -              02 ಚಮಚ
5. ಲವಂಗ -                     04
6. ಚಕ್ಕೆ -                         02
7. ಇಡಿಯಾಗಿ ಸುಟ್ಟ ಈರುಳ್ಳಿ - 01
8. ಗಸಗಸೆ -                       ಒಂದು ಚಮಚ
9. ಶುಂಠಿ ಬೆಳ್ಳುಳ್ಳಿ ಪೇಸ್ಟ್ -      ಒಂದು ಚಮಚ

ಒಗ್ಗರಣೆಗೆ
ಸಾಸಿವೆ -                           ಸ್ವಲ್ಪ
ಈರುಳ್ಳಿ -                            01
ಒಣಮೆಣಸಿನ ಕಾಯಿ -            02
ಕರಿಬೇವು -                         ಸ್ವಲ್ಪ
ಎಣ್ಣೆ –                               ಎರಡು ಸ್ಪೂನ್
ಮಾಡುವ ವಿಧಾನ: ರುಬ್ಬುವುದಕ್ಕೆ ಬೇಕಾದ ಎಲ್ಲಾ ಸಾಮಾಗ್ರಿಗಳನ್ನು ಒಟ್ಟಿಗೆ ಸೇರಿಸಿ, ಮಿಕ್ಸಿಯಲ್ಲಿ ರುಬ್ಬಿಕೊಳ್ಳೀ. ರುಬ್ಬಿದ ಮಿಶ್ರಣವನ್ನು ಪಕ್ಕಕ್ಕಿಡಿ. ಎರಡು ಸ್ಪೂನ್ ಎಣ್ಣೆಯನ್ನು ಕುಕ್ಕರ್ ಗೆ ಹಾಕಿ ಬಿಸಿ ಮಾಡಿಕೊಳ್ಳಿ. ಸಾಸಿವೆ, ಒಣ ಮೆಣಸಿನ ಕಾಯಿ, ಕರಿಬೇವು ಹಾಕಿ ಒಗ್ಗರಣೆ ಕೊಡಿ. ಜೊತೆಗೆ ಉದ್ದಕ್ಕೆ ಕತ್ತರಿಸಿದ ಈರುಳ್ಳಿಯನ್ನೂ ಹಾಕಿ ಸ್ವಲ್ಪ ಹೊತ್ತು ಬಾಡಿಸಿ.

ಕತ್ತರಿಸಿದ ಟೊಮ್ಯಾಟೊ, ಬದನೆಕಾಯಿ, ಆಲೂಗಡ್ಡೆ ಗಳನ್ನು ಹಾಕಿ ಸ್ವಲ್ಪ ಹೊತ್ತು ಬಾಡಿಸುತ್ತಿರಿ. ರುಬ್ಬಿದ ಮಿಶ್ರಣವನ್ನು ಇದಕ್ಕೆ ಸೇರಿಸಿ. ಜೊತೆಗೆ, ಮೊಳಕೆ ಕಟ್ಟಿದ ಹುರುಳಿ ಕಾಳನ್ನೂ ಹಾಕಿ. ರುಚಿಗೆ ತಕ್ಕಷ್ಟು ಉಪ್ಪನ್ನೂ ಹಾಕಿ  2-3 ಕಪ್ ನೀರು ಸೇರಿಸಿ ಚೆನ್ನಾಗಿ ಒಮ್ಮೆ ಕಲಕಿ. ಕುಕ್ಕರ್ ಎರಡು ಸೀಟಿ ಕೂಗುವಷ್ಟು ಬೇಯಿಸಿದರೆ, ಮೊಳಕೆ ಕಟ್ಟಿದ ಹುರುಳಿ ಸಾರು ಸಿದ್ಧ.

Comments
ಈ ವಿಭಾಗದಿಂದ ಇನ್ನಷ್ಟು
ಸಿಂಪಲ್ಲಾಗಿ ರವೆ ಇಡ್ಲಿ ಮಾಡಿ ನೋಡಿ!

ಪ್ರಜಾವಾಣಿ ರೆಸಿಪಿ
ಸಿಂಪಲ್ಲಾಗಿ ರವೆ ಇಡ್ಲಿ ಮಾಡಿ ನೋಡಿ!

19 Jul, 2017
ಬಿಸಿ ಬಿಸಿ ಈರುಳ್ಳಿ ದೋಸೆ !

ಪ್ರಜಾವಾಣಿ ರೆಸಿಪಿ
ಬಿಸಿ ಬಿಸಿ ಈರುಳ್ಳಿ ದೋಸೆ !

14 Jul, 2017
ರಾಗಿ ಮುದ್ದೆಗೆ ಬೇಕು ಎಲೆಕೋಸಿನ ಬಸ್ಸಾರು!

ಪ್ರಜಾವಾಣಿ ರೆಸಿಪಿ
ರಾಗಿ ಮುದ್ದೆಗೆ ಬೇಕು ಎಲೆಕೋಸಿನ ಬಸ್ಸಾರು!

12 Jul, 2017
ಬಾಯಲ್ಲಿ ಕರಗುವ ತರಕಾರಿ ಕಲ್ಮಿ ಕಬಾಬ್‌

ಪ್ರಜಾವಾಣಿ ರೆಸಿಪಿ
ಬಾಯಲ್ಲಿ ಕರಗುವ ತರಕಾರಿ ಕಲ್ಮಿ ಕಬಾಬ್‌

7 Jul, 2017
ಮುದ್ದೆಗೂ ಸೈ, ಅನ್ನಕ್ಕೂ ಸೈ ಮಜ್ಜಿಗೆ ಹುಳಿ!

ಪ್ರಜಾವಾಣಿ ರೆಸಿಪಿ
ಮುದ್ದೆಗೂ ಸೈ, ಅನ್ನಕ್ಕೂ ಸೈ ಮಜ್ಜಿಗೆ ಹುಳಿ!

4 Jul, 2017