ಸೆಲೆಬ್ರೆಟಿ ಮಕ್ಕಳ ಫೋಟೊ ವೈರಲ್ ಆಗುವುದು ಸಹಜ. ಮಕ್ಕಳ ಫೋಟೊಗಳು ಸುದ್ದಿಯಾಗುವುದು ಬೇಡ ಎಂದು ಪೋಷಕರು ಪ್ರಯತ್ನಿಸಿದರೂ ಒಂದಿಲ್ಲೊಂದು ಸಂದರ್ಭದಲ್ಲಿ ಪುಟಾಣಿಗಳ ಫೋಟೊಗಳು ಸುದ್ದಿಯಾಗುತ್ತವೆ. ಈಗ ಸೈಫ್ ಮತ್ತು ಕರೀನಾ ಮಗ ತೈಮೂರ್ ಅಲಿಖಾನ್ ಸರದಿ.
ಅಮ್ಮ ಕರೀನಾ ಜೀರೊ ಸೈಸ್ ಇದ್ದರು. ಮಗ ತೈಮೂರ್ ಉಂಡಾಡಿ ಗುಂಡ. ಉಬ್ಬಿದ ಕೆನ್ನೆ, ಗುಂಡಾದ ಮುಖ ಇರುವ ಮುದ್ದು ಮಗುವಿನ ಫೋಟೊವನ್ನು ಕರೀನಾ ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ ಕೆಲವೇ ಗಂಟೆಗಳಲ್ಲಿ ವೈರಲ್ ಆಗಿದೆ.
ಅಭಿಮಾನಿಗಳು ‘ಮುದ್ದಾದ ಮಗು’ ಎಂದು ಕೊಂಡಾಡಿದ್ದಾರೆ. ತೈಮೂರ್ ಫೋಟೊವನ್ನು, ಕರೀನಾ ಮಗುವಾಗಿದ್ದ ಫೋಟೊದೊಂದಿಗೆ ಹೋಲಿಸಿ, ‘ಅಮ್ಮನಂತೆ ಮಗ’ ಎಂದು ಅಭಿಮಾನಿಗಳು ಹಂಚಿಕೊಂಡಿದ್ದಾರೆ. ಬಾಲಿವುಡ್ ಬೇಬಿ ಸ್ಟಾರ್ಗಳಲ್ಲಿ ತೈಮೂರ್ ಮುಂಚೂಣಿಯಲ್ಲಿ ಇದ್ದಾನೆ.