ಕೇಂದ್ರ ಸರ್ಕಾರವು ಯೋಗ ದಿನದ ಅಂಗವಾಗಿ ‘ಸೆಲೆಬ್ರೇಟಿಂಗ್ ಯೋಗ’ ಎಂಬ ಮೊಬೈಲ್ ಆ್ಯಪ್ ಬಿಡುಗಡೆ ಮಾಡಿತು. ಕೇಂದ್ರದ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವರಾದ ಹರ್ಷವರ್ಧನ್ ಅವರು ಈ ಆ್ಯಪ್ ಲೋಕಾರ್ಪಣೆ ಮಾಡಿದರು.
ನಾಗರಿಕರು ಈ ಆ್ಯಪ್ ಮೂಲಕ ಯೋಗ ಮತ್ತು ಧ್ಯಾನದ ಮಾಹಿತಿಗಳನ್ನು ಹಂಚಿಕೊಳ್ಳಬಹುದು. ಜತೆಗೆ ದೇಶದ ಯಾವುದೇ ಮೂಲೆಯಲ್ಲೂ ಯೋಗಕ್ಕೆ ಸಂಬಂಧಿಸಿದ ಕಾರ್ಯಕ್ರಮಗಳು ನಡೆದರೂ ಗೂಗಲ್ ಆ್ಯಪ್ ನೆರವಿನೊಂದಿಗೆ ವಿಡಿಯೊ, ಆಡಿಯೊ ಹಾಗೂ ಬರಹದ ಮಾಹಿತಿ ಅಪ್ ಲೋಡ್ ಮಾಡಬಹುದು.
ಈ ಆ್ಯಪ್ ಬಳಸುವವರೆಲ್ಲರಿಗೂ ವಿಡಿಯೊ ಮತ್ತು ಆಡಿಯೊ ಮಾಹಿತಿ ಲಭ್ಯವಾಗುತ್ತದೆ. ಐಒಎಸ್ ಮತ್ತು ಆಂಡ್ರಾಯ್ಡ್ನಲ್ಲಿ ಈ ಆ್ಯಪ್ ಲಭ್ಯವಿದ್ದು ಉಚಿತವಾಗಿದೆ. ಗೂಗಲ್ ಪ್ಲೇಸ್ಟೋರ್: yoga app