ಅರಣ್ಯ ಒತ್ತುವರಿ ತೆರವಿಗೆ ಆಗ್ರಹ

ದಂಡಳ್ಳಿ ಗ್ರಾಮದ ಸರ್ವೇ ನಂಬರ್‌ 2 1/2 ರಲ್ಲಿ 30 ವರ್ಷಗಳ ಹಿಂದೆ ಅರಣ್ಯ ಇಲಾಖೆಯಿಂದ ಅಕೇಶಿಯ ನೆಡುತೋಪು ಮಾಡಲಾಗಿದ್ದು, ಅಲ್ಲಿ 5 ಎಕರೆ ಭೂಮಿಯನ್ನು ದಂಡಳ್ಳಿಯ ನಿವಾಸಿಯೊಬ್ಬರು ಒತ್ತುವರಿ ಮಾಡಿ ತಂತಿ ಬೇಲಿ ಹಾಕಿ, ಕಾಫಿ ಗಿಡಗಳನ್ನು ನೆಟ್ಟಿದ್ದಾರೆ ಎಂದು ಆರೋಪಿಸಿದರು.

ಅರಣ್ಯ ಒತ್ತುವರಿ ಸಂಬಂಧ ಕಂದಾಯ ಇಲಾಖೆ ಅಧಿಕಾರಿಗಳು ಬಂದು ಪರಶೀಲಿಸಿ ಬೇಲಿ ತೆರವುಗೊಳಿಸಿದ್ದರೂ, ಮತ್ತೆ ಅದೇ ಜಾಗದಲ್ಲಿ ಕಾಫಿಗಿಡಗಳನ್ನು ನೆಡಲಾಗಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.

ಪಕ್ಕದ ಜಮೀನನ್ನು ತೋರಿಸಿ, ಸರ್ವೇ ಮಾಡಿಸಿ, ಆರ್‌ಟಿಸಿಯಲ್ಲಿ ತಮ್ಮ ಹೆಸರು ದಾಖಲಾಗುವಂತೆ ಮಾಡಿದ್ದಾರೆ. ಆದ್ದರಿಂದ ತಹಶೀಲ್ದಾರ್‌ ಅವರು ಸ್ಥಳಕ್ಕೆ ಬಂದು ಪರಿಶೀಲಿಸಿ ಒತ್ತುವರಿಯನ್ನು ತೆರವುಗೊಳಿಸಬೇಕು ಎಂದು ಒತ್ತಾಯಿಸಿದರು.

ಅಲ್ಲಿ ಹಾಕಿದ್ದ ತಂತಿ ಬೇಲಿಯನ್ನು ಪ್ರತಿಭಟನಾಕಾರರು ಕಿತ್ತೆಸೆದು ಆಕ್ರೋಶ ವ್ಯಕ್ತಪಡಿಸಿದರು. ಗ್ರಾಮಾಭಿವೃದ್ಧಿ ಸಮಿತಿ ಅಧ್ಯಕ್ಷ ಶಶಿಶೇಖರ್, ಉಪಾಧ್ಯಕ್ಷ ಎಂ.ಕೆ.ಧರ್ಮಪ್ಪ, ಗ್ರಾಮ ಪಂಚಾಯಿತಿ ಸದಸ್ಯರಾದ ಎಂ.ಸಿ.ಹೂವಣ್ಣ, ಎಂ.ಆರ್.ಸಂದೇಶ್, ಗ್ರಾಮದ ಪ್ರಮುಖರಾದ ಎಂ.ಈ.ವಸಂತ್, ಎಂ.ಆರ್.ಪುರುಷೋತ್ತಮ್, ನಾಗರಾಜ್, ಪ್ರಭುಸ್ವಾಮಿ, ಎಂ.ಈ.ನಾಗರಾಜ್, ಎಂ.ಈ.ಕುಟ್ಟಪ್ಪ ಇತರರಿದ್ದರು.