ನವದೆಹಲಿ: ಭಾರತೀಯ ಸ್ಟೇಟ್‌ ಬ್ಯಾಂಕ್ (ಎಸ್‌ಬಿಐ) ಗ್ರಾಹಕರು ಐಎಂಪಿಎಸ್‌ (Immediate Payment Service) ಮೂಲಕ ಯಾವುದೇ ಶುಲ್ಕ ಇಲ್ಲದೆ ₹1,000ರ ವರೆಗೆ ನಗದು ವರ್ಗಾವಣೆ ಮಾಡಬಹುದು.
ಈ ಮೊದಲು ಐಎಂಪಿಎಸ್‌ ಮೂಲಕ ₹1,000ದವರೆಗಿನ ನಗದು ವರ್ಗಾವಣೆಗೆ ₹5 ಶುಲ್ಕ ಮತ್ತು ಸೇವಾ ತೆರಿಗೆ ನೀಡಬೇಕಿತ್ತು.
ಕಡಿಮೆ ಮೊತ್ತದ ನಗದು ವರ್ಗಾವಣೆಗೆ ಉತ್ತೇಜನ ನೀಡುವ ಉದ್ದೇಶದಿಂದ ಶುಲ್ಕದಲ್ಲಿ ಇಳಿಕೆ ಮಾಡಲಾಗಿದೆ ಎಂದು ಎಸ್‌ಬಿಐ ಪ್ರಕಟಣೆಯಲ್ಲಿ ತಿಳಿಸಿದೆ.
ಜಿಎಸ್‌ಟಿಯಲ್ಲಿ ನಗದು ವರ್ಗಾವಣೆಗೆ ಶೇ 18ರವರೆಗೆ ತೆರಿಗೆ ದರ ನಿಗದಿ ಮಾಡಲಾಗಿದೆ. ಅದರಂತೆ ₹1000 ದಿಂದ ₹ 1 ಲಕ್ಷದವರೆಗಿನ ನಗದು ವರ್ಗಾವಣೆಗೆ ₹ 5 ಹಾಗೂ ₹ 1 ಲಕ್ಷದಿಂದ ₹2 ಲಕ್ಷದವರೆಗಿನ ನಗದು ವರ್ಗಾವಣೆಗೆ ₹ 15 ಶುಲ್ಕ ನಿಗದಿ ಮಾಡಿದೆ.
