ಕೊಪ್ಪ: ಕೃಷಿ ಚಟುವಟಿಕೆ ಚುರುಕು

ಮೂರು ದಿನಗಳಿಂದ ಸುರಿಯುತ್ತಿರುವ ಮಳೆ ನಿರಾಳಗೊಳಿಸಿದೆ. ಇದೇ 20ರಿಂದ ಆರಂಭಗೊಳ್ಳುವ ಪುಷ್ಯಾ ನಕ್ಷತ್ರದಲ್ಲೂ ಉತ್ತಮ ಮಳೆಯಾಗುವ ಭರವಸೆ ಮೂಡಿದೆ.
ಭತ್ತದ ಹೊಲಗದ್ದೆಗಳಲ್ಲಿ ಉಳುಮೆ ಕಾರ್ಯ ಬಿರುಸಿನಿಂದ ಸಾಗಿದ್ದು, ಅಗಡಿಯಲ್ಲಿ ಸಿದ್ಧಪಡಿಸಿರುವ ಭತ್ತದ ಸಸಿಗಳು ನಾಟಿ ಕಾರ್ಯಕ್ಕೆ ಸಿದ್ಧಗೊಂಡಿವೆ.

ಈ ಬಾರಿಯ ಭೀಕರ ಬರದಿಂದ ಬೆಂದು ಹೋಗಿರುವ ಬಹುತೇಕ ಅಡಿಕೆ ತೋಟಗಳಲ್ಲಿ ಅಳಿದುಳಿದ ಅಡಿಕೆ ಮರಗಳಿಗೆ ಮೊದಲ ಸುತ್ತಿನ ಕೊಳೆ ಔಷಧಿ ಸಿಂಪಡಣೆ ಕಾರ್ಯ ಮುಗಿದು, 2ನೇ ಹಂತದ ಸಿಂಪಡಣೆಗೆ ಸಿದ್ಧತೆ ನಡೆದಿದೆ.

ತಾಲ್ಲೂಕಿನ ವಿವಿಧೆಡೆ ಶನಿವಾರ ಬೆಳಿಗ್ಗೆ ದಾಖಲಾದ ಕಳೆದ 24 ಗಂಟೆಗಳ ಮಳೆ ಪ್ರಮಾಣ - ಕೊಪ್ಪ 21.6 ಮಿ.ಮೀ. ಹರಿಹರಪುರ 24 ಮಿ.ಮೀ. ಜಯಪುರ 17 ಮಿ.ಮೀ. ಬಸರಿಕಟ್ಟೆ 18 ಮಿ.ಮೀ. ಕಮ್ಮರಡಿ 28.3 ಮಿ.ಮೀ.