ಜೋಹಾನ್ಸ್ಬರ್ಗ್: ನೆಲ್ಸನ್ ಮಂಡೇಲಾ ಅವರ 99ನೇ ಜನ್ಮ ದಿನಾಚರಣೆಗೆ ಮಂಗಳವಾರ ಲಕ್ಷಾಂತರ ಜನರು ಸಾಕ್ಷಿಯಾದರು. ಈ ಮಧ್ಯೆಯೇ ಭಾರತದ ಮೂಲದ ಸಿರಿವಂತ ಉದ್ಯಮಿ ಗುಪ್ತಾ ಕುಟುಂಬದ ಜತೆ ನಂಟು ಹೊಂದಿದ್ದಾರೆ ಎಂಬ ಆರೋಪ ಹೊತ್ತಿರುವ ಅಧ್ಯಕ್ಷ ಜಾಕೊಬ್ ಜುಮಾ ಅವರ ರಾಜೀನಾಮೆಗೂ ಭಾರಿ ಒತ್ತಾಯ ಕೇಳಿಬಂದಿತು.
ಮಂಡೇಲಾ ಅವರ ಕನಸನ್ನು ನನಸಾಗಿಸಬೇಕೆಂದರೆ ಜುಮಾ ಅವರು ರಾಜೀನಾಮೆ ನೀಡಬೇಕು ಎಂದು ಭಾರತ ಸಂಜಾತ ದಕ್ಷಿಣ ಆಫ್ರಿಕಾದ ಮಾಜಿ ಹಣಕಾಸು ಸಚಿವ ಪ್ರವೀಣ್ ಗೋವರ್ಧನ್ ಅವರು ಆಗ್ರಹಿಸಿದ್ದಾರೆ.