‘ಹಿಂದೂ ಧರ್ಮ’ ಬಿಟ್ಟುಹೋಗಬಾರದೆಂದು ಲಿಂಗಾಯತರಿಗೆ ಪೇಜಾವರ ಸ್ವಾಮಿಗಳು ಕರೆಕೊಟ್ಟಿರುವುದಾಗಿಯೂ ವರದಿಯಾಗಿದೆ. ಹಾಗಾದರೆ ಹಿಂದೂ ಎನ್ನುವುದು ಯಾವ ಧರ್ಮ? ಪ್ರಶ್ನೆ ಏಕೆಂದರೆ ಜೈನ, ಬೌದ್ಧ, ಸಿಖ್ ಧರ್ಮಗಳು ಸಿಡಿದೆದ್ದುದು ವೈದಿಕ ಆಚರಣೆಗಳ ವಿರುದ್ಧವೇ ಹೊರತು ‘ಹಿಂದೂ’ ಎಂಬ ‘ಧರ್ಮ’ದ ವಿರುದ್ಧ ಅಲ್ಲ. ಜಿಜ್ಞಾಸೆಯಲ್ಲಿ ಬಹಳಷ್ಟೇ ಅಂತರಗಳಿದ್ದರೂ ತಿಥಿ-ವಾರ, ನಕ್ಷತ್ರ, ದಿನಾಚರಣೆ ಇತ್ಯಾದಿ ಲೆಕ್ಕಾಚಾರದಲ್ಲಾಗಲೀ, ತಿಂಡಿ-ತೀರ್ಥ ಇತ್ಯಾದಿ ಸಾಂಸ್ಕೃತಿಕ, ಮನರಂಜನೆ ಮುಂತಾದ ವಿಚಾರಗಳಲ್ಲಿ ಈ ‘ಧರ್ಮೀಯರು’ ಸಹ, ಬಹುತೇಕ ವೈದಿಕವನ್ನೇ ಅನುಸರಿಸುತ್ತಾರೆ. ಮತಭೇದಗಳು, ವೈದಿಕವೆಂಬ ವ್ಯತ್ಯಸ್ಥ ಪಂಗಡಗಳಲ್ಲೂ ಕಂಡುಬರುತ್ತದೆ. ಇದು ಅಂತಃಸತ್ವದ ವಿಚಾರ.