ಜೊತೆಗೆ ಬರಗಾಲದಲ್ಲಿ ಗೋವುಗಳ ರಕ್ಷಣೆ ಮಾಡುವ ವಿಧಾನಗಳನ್ನೂ ತಿಳಿಸಿರುವುದು ವಿಶೇಷ. ಹೈನುಗಾರಿಕೆ ಕೈಗೊಂಡವರಿಗೆ ಅನುವಾಗಲೆಂದೇ, ಹೈನುಗಾರಿಕೆಯ ಸಂಘ ಸಂಸ್ಥೆಗಳು, ಹಾಲು ಒಕ್ಕೂಟಗಳು, ಗೋವಿನ ಅಭಿವೃದ್ಧಿಗೆ ಇರುವ ಸಂಶೋಧನಾ ಕ್ಷೇತ್ರಗಳು, ಗೋವಿನ ತಳಿಗಳ ಬಗ್ಗೆ ಮಾಹಿತಿ, ನಬಾರ್ಡ್ ಸಂಸ್ಥೆಯಿಂದ ದೊರೆಯುವ ಸೌಲಭ್ಯಗಳು, ಜಾನುವಾರು ವಿಮೆ ಯೋಜನೆಗಳು, ಜಾನುವಾರು ತಳಿ ಸಂವರ್ಧನಾ ಕೇಂದ್ರಗಳ ಬಗ್ಗೆ ಮಾಹಿತಿ ನೀಡಲಾಗಿದೆ. ಹೈನುಗಾರಿಕೆಯಲ್ಲಿ ಆಸಕ್ತಿಯಿರುವ ವಿದ್ಯಾರ್ಥಿಗಳಿಗೆ ಪಶು ವೈದ್ಯಕೀಯ ಶಿಕ್ಷಣದ ಪರಿಚಯ ಈ ಪುಸ್ತಕದಲ್ಲಿದೆ.