‘ಹಸಿರು ರಿಬ್ಬನ್’ ಸಿನಿಮಾಕ್ಕೆ ನಟಿಯರ ಪಾತ್ರ ಫೈನಲ್

ಶಿವಮೊಗ್ಗದ ರಂಗಭೂಮಿ ಕಲಾವಿದೆ ಸುಪ್ರೀಯಾ ಎಸ್‌.ರಾವ್ ಹಾಗೂ ಪಲ್ಲವಿ ಅವರನ್ನು ಆಯ್ಕೆಮಾಡಲಾಗಿದೆ.

ಪಲ್ಲವಿ ಅವರು ಮೌರ್ಯ, ಮ್ಯಾಜಿಕ್ ಅಜ್ಜಿ ಸೇರಿದಂತೆ ನಾನಾ ಸಿನಿಮಾಗಳಲ್ಲಿ ನಟಿಸಿದ್ದು, ಸುಪ್ರೀಯಾ ಅವರು ಈ ಸಿನಿಮಾದ ಮೂಲಕ ತಮ್ಮ ಸಿನಿ ಪಯಣ ಆರಂಭಿಸಲಿದ್ದಾರೆ.

ನಿಖಿಲ್‍ ಮಂಜು ನಾಯಕರಾಗಿ ನಟಿಸುತ್ತಿದ್ದು, ಗಿರಿಜಾ ಲೋಕೇಶ್ ತಾಯಿ ಪಾತ್ರ ನಿರ್ವಹಿಸಲಿದ್ದಾರೆ. ಬೇಬಿ ಋತ್ವಿ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ಅಂದುಕೊಂಡಂತೆ ಎಲ್ಲಾ ನಡೆದರೆ ಇದೇ ತಿಂಗಳಿಂದ ಶೂಟಿಂಗ್ ಆರಂಭವಾಗಲಿದ್ದು, ಕನಕಪುರ ಹಾಗೂ ಮಂಡ್ಯದ ಸುತ್ತಮುತ್ತಲೂ ಶೂಟಿಂಗ್ ನಡೆಸುವ ಯೋಜನೆ ಹಾಕಿಕೊಂಡಿದೆ ಚಿತ್ರತಂಡ.

ಹಸಿರು ಕನಸೊಂದರ ಬೆನ್ನಟ್ಟಿದ ಅಮಾಯಕ ಕುಟುಂಬವೊಂದರ ತಳಮಳ ಈ ಕಥನದಲ್ಲಿದೆ. ಎರಡು ಕುಟುಂಬಗಳ ಸಂಬಂಧ, ಬಿಕ್ಕಟ್ಟನ್ನು ನೋಡುಗರಿಗೆ ಚೊಕ್ಕಟವಾಗಿ ಹೇಳುವ ಪ್ರಯತ್ನದಲ್ಲಿದೆ. 

ಉಪಾಸನಾ ಮೋಹನ್ ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಪಿ.ವಿ.ಆರ್.ಸ್ವಾಮಿ ಅವರ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಆರ್.ಎಸ್. ಕುಮಾರ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.