‘ಗೂಡು ಸಿಕ್ಕ ಗುಬ್ಬಿ’

ಪುಟ್ಟದಾದ ಮುದ್ದು ಮೊಟ್ಟೆ
ಹಕ್ಕಿ ಹೇಗೆ ಬಿಟ್ಟೀತು
ಕರುಳ ಕುಡಿಯ ಪ್ರೀತಿಯಿಂದ
ತಬ್ಬಿಹಿಡಿದು ಕೊಂಡಿತು

ಕಾವುಕೊಡಲು ತಾವು ಎಲ್ಲಿ
ಹಾವು ಗೀವು ಬಂದರಿಲ್ಲಿ
ಹೆದರಿಕೊಂಡು ಗುಬ್ಬಿ ಹಕ್ಕಿ
ಅತ್ತು ಬಿಡ್ತು ಬಿಕ್ಕಿ ಬಿಕ್ಕಿ

ಗುಬ್ಬಿ ಬಿಕ್ಕಿ ಅಳುವ ಕೇಳಿ
ಕಾಗೆ ಬಂದು ಮೊಟ್ಟೆ ಹೆಕ್ಕಿ
ತನ್ನ ಮಡಿಲಲವಚಿಕೊಂಡು
ಗುಬ್ಬಿ ಯನ್ನು ತಬ್ಬಿತು

ಕಾಗೆ ಗೂಡು ಸೇರಿ ಗುಬ್ಬಿ
ತನ್ನ ಮೊಟ್ಟೆ ಕಾಗೆ ಮೊಟ್ಟೆ
ಒಟ್ಟಿಗಿಟ್ಟು ಕಾವುಕೊಟ್ಟು
ಮರಿಯ ಕನಸ ಕಂಡವು

ಮೊಟ್ಟೆಯಿಂದ ಮರಿಗಳು
ತಟ್ಟನೆದ್ದು ಬಂದವು
ಕಾಗೆ ಮರಿಗಳು... ಗುಬ್ಬಿ ಮರಿಗಳು
ಮರಿಗಳೋ... ಮರಿಗಳು...
ಆಹಾ ಮರಿಗಳೋ... ಮರಿಗಳು.