ಸೋಮವಾರ, 28–8–1967

ಬಿಹಾರ್ ಕಾಂಗ್ರೆಸ್‌ನ ಶಾಸನಸಭಾ ಪಕ್ಷದೊಡನೆ ಸೇರಿ ಸಮ್ಮಿಶ್ರ ಸರ್ಕಾರ ರಚಿಸಲು ಶ್ರೀ ಮಂಡಲ್ ಪ್ರಯತ್ನ ನಡೆಸಿದ್ದಾರೆ. ರಾಜ್ಯ ಸಚಿವ ಸ್ಥಾನಕ್ಕೆ ಇಂದು ರಾಜೀನಾಮೆ ಇತ್ತ ಶ್ರೀ ಮಂಡಲ್ ಅವರು, ವಿಧಾನಸಭೆಯಲ್ಲಿ ಈ ಹೊಸ ಗುಂಪಿನ (ಕಾಂಗ್ರೆಸ್– ಶೋಷಿತ ದಳ) ಸದಸ್ಯರ ಹೆಸರನ್ನು ಬಹುಶಃ ನಾಳೆ ರಾಜ್ಯಪಾಲರಿಗೆ ತಿಳಿಸುವುದಾಗಿ ಹೇಳಿದರು.

ವಿಧಾನಸಭೆಯ ಸುಮಾರು 40 ಸದಸ್ಯರು ‘ಶೋಷಿತ ದಳ’ಕ್ಕೆ ಸೇರಿರುವುದಾಗಿ ಶ್ರೀ ಮಂಡಲ್ ತಿಳಿಸಿದರು.

ಬ್ಯಾಂಕುಗಳ ಮೇಲೆ ಸಾಮಾಜಿಕ ಹತೋಟಿಗೆ ನಿರ್ಧಾರ ಸಂಭವ
ಮುಂಬಯಿ, ಆ 27– ಬ್ಯಾಂಕುಗಳ ಬಗ್ಗೆ ‘ಸಾಮಾಜಿಕ ಹತೋಟಿ’ಯನ್ನು ಅನ್ವಯ ಮಾಡಲು ಕೇಂದ್ರ ಸರಕಾರವು ಅಂತಿಮವಾಗಿ ನಿರ್ಧರಿಸುವುದೆಂಬುದು ಇಲ್ಲಿಯ ಬ್ಯಾಂಕಿಂಗ್ ವೃತ್ತಗಳ ನಿರೀಕ್ಷೆಯಾಗಿದೆ.