ಗಂಡು ಬೋವರ್ ಬರ್ಡ್ ಅತ್ಯಾಕರ್ಷಕ ಗೂಡು ಕಟ್ಟುತ್ತದೆ. ಪ್ಲಾಸ್ಟಿಕ್ ತುಂಡುಗಳಿಂದ ಹಿಡಿದು ಟಿನ್ ಫಾಯಿಲ್ ವರೆಗೆ ಹಲವು ವಸ್ತುಗಳನ್ನು ಅದು ಬಳಸುತ್ತದೆ. ಅಷ್ಟೆ ಏಕೆ, ಬಸವನಹುಳುವಿನ ಚಿಪ್ಪುಗಳನ್ನೂ ಹೆಕ್ಕಿ ತರುತ್ತದೆ. ಗೂಡು ಎಷ್ಟು ಚೆಂದವೋ ಹೆಣ್ಣು ಹಕ್ಕಿ ಅದನ್ನು ನೋಡಿಯೇ ಹುಡುಕಿ ಬರುತ್ತದೆ ಎಂದು ಅದು ನಂಬಿದೆ. ಸಂಗಾತಿ ತನ್ನ ಗೂಡು ಬಿಟ್ಟು ಪಕ್ಕದ ಹಕ್ಕಿ ಕಟ್ಟಿದ ಗೂಡಿಗೆ ಎಲ್ಲಿ ಹೋಗುವುದೋ ಎಂದು ಆ ಗೂಡನ್ನು ನಾಶಪಡಿಸಲೂ ಈ ಗಂಡು ಹಕ್ಕಿ ಹೇಸುವುದಿಲ್ಲ.