ಟಿಎಸ್‌ಎಸ್‌ನಲ್ಲಿ ಜನೌಷಧ ಕೇಂದ್ರ

‘ರಕ್ತದೊತ್ತಡ, ಮಧುಮೇಹ ಹಾಗೂ ಇನ್ನಿತರ ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳಿಗೆ ವರ್ಷಪೂರ್ತಿ ಔಷಧ- ಸೇವಿಸುವವರಿಗೆ ಆರೋಗ್ಯದ ವೆಚ್ಚ ಕಡಿಮೆ ಮಾಡುವ ದೃಷ್ಟಿಯಿಂದ ದೇಶದಾದ್ಯಂತ ಜನೌಷಧ ಕೇಂದ್ರಗಳನ್ನು ಸ್ಥಾಪಿಸಲಾಗುತ್ತಿದೆ. ನಮ್ಮ ಭಾಗದ ರೈತರಿಗೆ, ಸಾರ್ವಜನಿಕರಿಗೆ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ಸೂಪರ್ ಮಾರ್ಕೆಟ್‌ನಲ್ಲಿ ಈ ಔಷಧ ಕೇಂದ್ರ ತೆರೆಯಲಾಗಿದೆ. ಜೆನೆರಿಕ್ ಔಷಧಗಳು ಅತ್ಯಂತ ಕಡಿಮೆ ಬೆಲೆಯಲ್ಲಿ ದೊರಕಲಿವೆ’ ಎಂದರು. 

‘ದುಬಾರಿ ಔಷಧದಲ್ಲಿ ಮಾತ್ರ ಉತ್ತಮ ಗುಣವಿದೆ ಎಂಬ ತಪ್ಪು ಭಾವನೆಯನ್ನು ಹೋಗಲಾಡಿಸಿ ಜೆನೆರಿಕ್ ಔಷಧಗಳು ಸಹ ಉತ್ತಮವಾಗಿ ಕಾಯಿಲೆಗಳನ್ನು ಗುಣಪಡಿಸುತ್ತವೆ ಎಂಬ ಬಗ್ಗೆ ಜನರಲ್ಲಿ ಅರಿವು ಮೂಡಬೇಕಾಗಿದೆ. ಸರ್ಕಾರದ ನಿಯಮಗಳ ಪ್ರಕಾರ ಬಡವರ ಅನುಕೂಲಕ್ಕಾಗಿ ವೈದ್ಯರು ಜೆನೆರಿಕ್ ಹೆಸರು ಬರೆಯುವುದು ಕಡ್ಡಾಯವಾಗಿದೆ’ ಎಂದು ತಿಳಿಸಿದರು. ಸಂಸ್ಥೆಯ ಆಡಳಿತ ಮಂಡಳಿ ಸದಸ್ಯರು, ಸಂಘದ ಪ್ರಧಾನ ವ್ಯವಸ್ಥಾಪಕ ರವೀಶ ಹೆಗಡೆ ಹಾಜರಿದ್ದರು.

* * 

ಜೆನೆರಿಕ್ ಔಷಧ ಸಹ ಕಾಯಿಲೆಗಳನ್ನು ಗುಣಪಡಿಸುತ್ತವೆ ಎಂಬ ಬಗ್ಗೆ ಜನರಲ್ಲಿ ಅರಿವು ಮೂಡಬೇಕಾಗಿದೆ. ವೈದ್ಯರು ಜೆನೆರಿಕ್ ಹೆಸರು ಬರೆಯುವುದು ಕಡ್ಡಾಯ
ಶಾಂತಾರಾಮ ಹೆಗಡೆ
ಟಿಎಸ್‌ಎಸ್ ಅಧ್ಯಕ್ಷ