‘ವಿಶ್ವ ಲಿಂಗಾಯತ ಮಹಾಸಭಾ ಶೀಘ್ರ ಅಸ್ತಿತ್ವಕ್ಕೆ’ (ಪ್ರ.ವಾ., ಸೆ. 8) ತಲೆಬರಹದ ಸುದ್ದಿ ಓದಿ ಸಂತಸವಾಯಿತು. ವಿಶ್ವ ಲಿಂಗಾಯತ ಮಹಾಸಭಾವನ್ನು ಸ್ಥಾಪಿಸಲು ಲಿಂಗಾಯತ ಧರ್ಮದಲ್ಲಿ ನಂಬಿಕೆ ಇಟ್ಟ ಜನಸಾಮಾನ್ಯರು, ಹರಗುರುಗಳು ಬೆಳಗಾವಿಯ ಸಮಾವೇಶದಲ್ಲಿ ಈಗಾಗಲೇ ನಿರ್ಣಯಿಸಿದ್ದಾರೆ. ಈ ತಿಂಗಳ 24ರಂದು ಕಲಬುರ್ಗಿಯಲ್ಲೂ ಸಮಾವೇಶ ಜರುಗಲಿದೆ. ಈ ಹೊಸ ಮಹಾಸಭಾ ಅಸ್ತಿತ್ವಕ್ಕೆ ಬರಬಾರದೆಂದು ಕೆಲವು ಪಟ್ಟಭದ್ರ ಹಿತಾಸಕ್ತಿಗಳು ಪ್ರಯತ್ನಿಸುತ್ತಿವೆ. ಅವರ ಪ್ರಯತ್ನ ಸಫಲವಾಗಲು ಬಿಡಬಾರದು.
