ಧ್ರುವ ಸರ್ಜಾ ಅಭಿನಯದ ಚಿತ್ರ ಇದು. ಕನಕಪುರ ಶ್ರೀನಿವಾಸ್ ಮತ್ತು ಬಿ.ಎಸ್. ಕಿರಣ್ ಗೌಡ ಇದರ ನಿರ್ಮಾಪಕರು, ನಿರ್ದೇಶನ ಚೇತನ್ ಕುಮಾರ್ ಅವರದ್ದು. ರಚಿತಾ ರಾಮ್, ಹರಿಪ್ರಿಯಾ ಮತ್ತು ವೈಶಾಲಿ ದೀಪಕ್ ಅವರೂ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.
ವಿ. ಹರಿಕೃಷ್ಣ ಸಂಗೀತ, ಶ್ರೀಶ ಕುದುವಳ್ಳಿ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಸುಚೇಂದ್ರ ಪ್ರಸಾದ್, ತಾರಾ, ಶ್ರೀನಿವಾಸ್ ಮೂರ್ತಿ, ಸಾಧು ಕೋಕಿಲ, ಅವಿನಾಶ್ ತಾರಾಗಣದಲ್ಲಿ ಇದ್ದಾರೆ.
ಕ್ರ್ಯಾಕ್
ನಿರ್ದೇಶಕ ಕೆ. ರಾಮ್ ನಾರಾಯಣ್ ಮತ್ತು ನಟ ವಿನೋದ್ ಪ್ರಭಾಕರ್ ಜೋಡಿಯ ಸಿನಿಮಾ ಇದು. ಆಕಾಂಕ್ಷಾ ಅವರು ಈ ಚಿತ್ರದ ನಾಯಕಿ. ಶಮಿತಾ ಮಲ್ನಾಡ್ ಮತ್ತು ಚಿನ್ನಾ ಸಂಗೀತ ನಿರ್ದೇಶನ, ಆಬೇಜ್ ಕೆ. ಗಣೇಶ್ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ. ವಿಜಯ್ ಕುಮಾರ್ ವೈ ಮತ್ತು ಶಂಕರ್ ಇಳಕಲ್ ಚಿತ್ರವನ್ನು ನಿರ್ಮಿಸಿದ್ದಾರೆ. ಪದ್ಮಜಾ ರಾವ್, ಉಮೇಶ್ ಸೇರಿದಂತೆ ಹಲವರು ತಾರಾಗಣದಲ್ಲಿ ಇದ್ದಾರೆ.