ಆಲೂರು: ಕಾಯಕಲ್ಪಕ್ಕಾಗಿ ಕಾದ ಕಲ್ಯಾಣಿಗಳು

ನಿರ್ವಹಣೆ ಕೊರತೆಯಿಂದಾಗಿ ತಡೆಗೋಡೆ ಅಲ್ಲಲ್ಲಿ ಕುಸಿದಿದೆ. ಕೆಲವು ಕಲ್ಲುಗಳು ಕಣ್ಮರೆಯಾಗಿವೆ. ಈ ಹಿಂದೆ ಈ ಕಲ್ಯಾಣಿಯಿಂದಲೇ ದೇವರ ಅಭಿಷೇಕ ಹಾಗೂ ಇತರ ಪೂಜೆಗಳಿಗೆ ನೀರು ಪಡೆಯಲಾಗುತ್ತಿತ್ತು. ಆದರೆ, ಕಲ್ಯಾಣಿಗಳೆರಡೂ ಈಗ ಉಪಯೋಗಕ್ಕೆ ಬಾರದ ಸ್ಥಿತಿ ತಲುಪಿವೆ.

‘ಸ್ಥಳೀಯ ಗ್ರಾಮ ಪಂಚಾಯಿತಿ ಈ ಎರಡೂ ಕಲ್ಯಾಣಿಗಳ ಪುನಶ್ಚೇತನಕ್ಕೆ ಮುಂದಾಗಬೇಕು. ಉದ್ಯೋಗ ಖಾತ್ರಿ ಯೋಜನೆಯಡಿಯಲ್ಲಾದರೂ ಕಾಯಕಲ್ಪ ನೀಡಬೇಕು’ ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.