ಲಾಹೋರ್: ಪಾಕಿಸ್ತಾನದ ಪದಚ್ಯುತ ಪ್ರಧಾನಿ ನವಾಜ್‌ ಷರೀಫ್ ಅವರಿಂದ ತೆರವಾಗಿದ್ದ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಷರೀಫ್ ಅವರ ಪತ್ನಿ ಬೇಗಂ ಕುಲ್ಸೂಮ್‌ ಅವರು (ಪಿಎಂಎಲ್‌–ಎನ್‌ ಪಕ್ಷ) ಗೆಲುವು ಸಾಧಿಸಿದ್ದಾರೆ.
ನವಾಜ್‌ ಷರೀಫ್ ಅವರಿಂದ ತೆರವಾಗಿದ್ದ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಷರೀಫ್ ಬಣದ ಗೆಲುವಿನ ಅಂತರ ಕಡಿಮೆಯಾಗಿರುವುದನ್ನು ‘ನಮ್ಮ ನೈತಿಕ ಗೆಲುವು. ಇದು ಆಡಳಿತ ಪಕ್ಷದ ಸೋಲು’ ಎಂದು ವಿರೋಧ ಪಕ್ಷ ಬಣ್ಣಿಸಿದೆ.
‘ನಮ್ಮ ತಂದೆಯವರ ವಿರುದ್ಧ ಸುಪ್ರೀಂ ಕೋರ್ಟ್‌ನ ನಿರ್ಧಾರವನ್ನು ಜನ ತಿರಸ್ಕರಿಸಿದ್ದಾರೆ’ ಎಂಬ ಷರೀಫ್ ಪುತ್ರಿ ಮರಿಯಂ ಅವರ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ವಿರೋಧಪಕ್ಷ ಈ ಹೇಳಿಕೆ ನೀಡಿದೆ. ಮರಿಯಂ, ಆಕೆಯ ಪತಿ,ಇಬ್ಬರು ಸಹೋದರರು ಕೂಡಾ ಪನಾಮ ಪೇಪರ್ಸ್‌ ಹಗರಣದಲ್ಲಿ ಆರೋಪಿಗಳಾಗಿದ್ದಾರೆ.
