ನವದೆಹಲಿ: ತೆರಿಗೆದಾರರು ತಮ್ಮ ವೈಯಕ್ತಿಕ ಮಾಹಿತಿ ಮತ್ತು ಇತರ ವಿವರಗಳನ್ನು ಆದಾಯ ತೆರಿಗೆ ಇಲಾಖೆಯ ಅಧಿಕೃತ ಅಂತರ್ಜಾಲ ತಾಣದಲ್ಲಿ ನವೀಕರಿಸಬೇಕು ಎಂದು ಕೇಳಿಕೊಳ್ಳಲಾಗಿದೆ.
ತೆರಿಗೆದಾರರು ತಮ್ಮ ವೈಯಕ್ತಿಕ ಇ–ಮೇಲ್ಗಳು, ಮೊಬೈಲ್, ವಿಳಾಸ ಮತ್ತು ಬ್ಯಾಂಕ್ ಖಾತೆಯ ವಿವರಗಳನ್ನು ನೀಡಬೇಕು ಎಂದು ಇಲಾಖೆಯು ಸಲಹೆ ನೀಡಿದೆ.
ತೆರಿಗೆದಾರರ ಇ–ಮೇಲ್ ಮತ್ತು ಮೊಬೈಲ್ಗಳಿಗೆ ಒಂದು ಬಾರಿ ರಹಸ್ಯಸಂಖ್ಯೆ (ಒಟಿಪಿ) ಕಳಿಸಿ ಈ ವಿವರಗಳನ್ನು ದೃಢಿಕರಿಸಿಕೊಳ್ಳಲಾಗುವುದು. ಇದರಿಂದ ತೆರಿಗೆದಾರರು ಮತ್ತು ಇಲಾಖೆ ಮಧ್ಯೆ ಉತ್ತಮ ಸಂವಹನ ಸಾಧ್ಯವಾಗಲಿದೆ. ತೆರಿಗೆದಾರರಿಗೆ ಕಳಿಸುವ ಮಾಹಿತಿ ಅವರಿಗೆ ತಲುಪುವುದನ್ನು ಖಚಿತಪಡಿಸಿಕೊಳ್ಳಲೂ ಸಾಧ್ಯವಾಗಲಿದೆ.
ಈಗಾಗಲೇ ಇ–ಫೈಲಿಂಗ್ ಮಾಡಿದವರು, https://incometaxindiaefiling.gov.in ತಾಣದಲ್ಲಿ ಲಾಗಿನ್ ಆಗಿ ತಮ್ಮ ಮಾಹಿತಿ ನವೀಕರಿಸಬಹುದು ಎಂದೂ ಇಲಾಖೆ ಸೂಚಿಸಿದೆ.