ಪೇಶಾವರ: 20 ಹಾಗೂ 10 ವರ್ಷದ ಇಬ್ಬರು ಹೆಣ್ಣುಮಕ್ಕಳನ್ನು ತಂದೆಯೇ ಕೊಂದಿರುವುದು ಪಾಕಿಸ್ತಾನದಲ್ಲಿ ನಡೆದಿದೆ. ಇದೊಂದು ‘ಮರ್ಯಾದಾಗೇಡು ಹತ್ಯೆ’ ಎಂದು ಪೊಲೀಸರು ತಿಳಿಸಿದ್ದಾರೆ.
20 ವರ್ಷದ ಶಮೀಮ್ ಮತ್ತು 10 ವರ್ಷದ ನೊರೀನ್ ಕೊಂದಿರುವುದಾಗಿ ಅವರ ತಂದೆ ಅಬ್ದುಲ್ ಘನಿ ತಪ್ಪೊಪ್ಪಿಕೊಂಡಿದ್ದಾರೆ ಎಂದು ಉಪ ಪೊಲೀಸ್ ವರಿಷ್ಠಾಧಿಕಾರಿ ಫಜಲ್ ವಹೀದ್ ತಿಳಿಸಿದ್ದಾರೆ.
‘ಮನೆಬಿಟ್ಟು ಬೇಕಾಬಿಟ್ಟಿಯಾಗಿ ಹೊರಗೆ ತಿರುಗಾಡಲು ತೆರಳುತ್ತಿದ್ದ ಹೆಣ್ಣು ಮಕ್ಕಳ ವರ್ತನೆಯಿಂದ ಬೇಸತ್ತು ಈ ಕೃತ್ಯವೆಸಗಿದ್ದೇನೆ’ ಎಂದು ಅಬ್ದುಲ್ ಘನಿ ತಿಳಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಮರ್ಯಾದಾ ಹತ್ಯೆ ನಡೆಸುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವ ಪಾಕಿಸ್ತಾನ ಸಂಸತ್ ಕಳೆದ ವರ್ಷ ಹೊಸ ಕಾನೂನಿಗೆ ಒಪ್ಪಿಗೆ ಸೂಚಿಸಿತ್ತು.