41 ಕಿ.ಮೀ. ಹುಡುಕಿದರೂ ನಿಂಗಮ್ಮ ಪತ್ತೆ ಇಲ್ಲ

ಇದೇ 13ರಂದು ರಾತ್ರಿ ಸುರಿದ ಭಾರಿ ಮಳೆಯಿಂದಾಗಿ ನಿಂಗಮ್ಮ ಹಾಗೂ ಅವರ ಪುತ್ರಿ ಪುಷ್ಪಾ ರಾಜಕಾಲುವೆಯಲ್ಲಿ ಕೊಚ್ಚಿ ಹೋಗಿದ್ದರು. ಪುಷ್ಪಾ ಶವ ಕುಂಬಳಗೋಡು ಸೇತುವೆ ಬಳಿ ಭಾನುವಾರ ಪತ್ತೆಯಾಗಿತ್ತು.

‘ನಿಂಗಮ್ಮ ಅವರಿಗಾಗಿ ಬಿಡದಿ ಹೋಬಳಿಯ ಸಾದರಮಂಗಲದವರೆಗೂ ವೃಷಭಾವತಿ ಕಾಲುವೆಯಲ್ಲಿ ಹುಡುಕಾಟ ನಡೆಸಲಾಗಿತ್ತು. ಆದರೂ ಅವರು ಪತ್ತೆಯಾಗಿಲ್ಲ. ಕಾಲುವೆಯ ಆಳ ಇರುವ ಪ್ರದೇಶಗಳಲ್ಲಿ ಶವ ಸಿಕ್ಕಿಕೊಂಡಿರುವ ಸಾಧ್ಯತೆ ಇದೆ. ಅಂತಹ 22 ಸ್ಥಳಗಳನ್ನು ಗುರುತಿಸಲಾಗಿದ್ದು, ಅಲ್ಲಿ ಶೋಧ ಕಾರ್ಯ ನಡೆಸಲು ನಿರ್ಧರಿಸಲಾಗಿದೆ’ ಎಂದು ಮೇಯರ್‌ ಆರ್‌.ಸಂಪತ್‌ ರಾಜ್‌ ತಿಳಿಸಿದರು.

ಪರಿಹಾರದ ಚೆಕ್‌ ವಿತರಣೆ:

ಜೆ.ಸಿ.ನಗರದಲ್ಲಿ ಮಳೆಯಿಂದ ಸಂತ್ರಸ್ತರಾದವರಿಗೆ ಶಾಸಕ ಗೋಪಾಲಯ್ಯ ಮತ್ತು ಪಾಲಿಕೆ ಸದಸ್ಯೆ ಎಸ್.ಪಿ.ಹೇಮಲತಾ ಪರಿಹಾರದ ಚೆಕ್ ವಿತರಿಸಿದರು. ಪಡಿತರ ಧಾನ್ಯ ಹಾಗೂ ಸೀರೆಗಳನ್ನು ನೀಡಿದರು.