ಹ್ಯೂಸ್ಟನ್‌, ಅಮೆರಿಕ: ಎರಡು ವಾರಗಳ ಹಿಂದೆ ಟೆಕ್ಸಾಸ್‌ನ ರಿಚರ್ಡ್‌ಸನ್‌ ನಗರದ ಮನೆಯೊಂದರಿಂದ ನಿಗೂಢವಾಗಿ ಕಣ್ಮರೆಯಾದ ಭಾರತ ಸಂಜಾತ ಬಾಲಕಿ ಶೆರಿನ್‌ ಮ್ಯಾಥ್ಯೂಸ್‌ ಸುರಕ್ಷಿತವಾಗಿ ಮರಳಲಿ ಎಂದು ಸಾವಿರಾರು ಅಮೆರಿಕನ್ನರು ಶನಿವಾರ ಪ್ರಾರ್ಥನೆ ನಡೆಸಿದರು.
‘ಶೆರಿನ್‌ ಪೋಷಕರು ಸತ್ಯ ಹೇಳುವಂತೆ’ ಹಲವರು ಒತ್ತಾಯಿಸಿದ್ದಾರೆ. ಪ್ರಕರಣ ಸಂಬಂಧ ತನಿಖೆ ನಡೆಸುತ್ತಿದ್ದು, ಪೋಷಕರು ಸಹಕರಿಸುತ್ತಿಲ್ಲ ಎಂದು ಪೋಲಿಸರು ಹೇಳಿದ್ದಾರೆ.
ಬಿಹಾರದ ನಳಂದಾದಲ್ಲಿನ ಎನ್‌ಜಿಒ ಒಂದರಿಂದ ಕಳೆದ ವರ್ಷ ಶೆರಿನ್‌ಳನ್ನು ವೆಸ್ಲೆ ಮ್ಯಾಥ್ಯೂಸ್‌ ದತ್ತು ಪಡೆದಿದ್ದರು. ಅಕ್ಟೋಬರ್ 7ರಂದು ಹಾಲು ಕುಡಿಯಲಿಲ್ಲ ಎಂಬ ಕಾರಣಕ್ಕೆ ಮ್ಯೂಥ್ಯೂಸ್‌ ಬೆಳಗ್ಗೆ ಮೂರು ಗಂಟೆ ಸುಮಾರಿಗೆ ಮನೆಯಿಂದ ಹೊರ ನಿಲ್ಲುವ ಶಿಕ್ಷೆ ನೀಡಿದ್ದರು.
ಅವರು ಸ್ವಲ್ಪ ಹೊತ್ತಿನ ನಂತರ ಬಂದು ನೋಡಿದಾಗ ಶೆರಿನ್‌ ನಾಪತ್ತೆಯಾಗಿದ್ದಳು.
