ಸಿದ್ದಾಪುರ: ಕಂದಾಯ ಇಲಾಖೆ ಹೊಸ ತಂತ್ರಜ್ಞಾನದೊಂದಿಗೆ ನಡೆಸುತ್ತಿರುವ ಬೆಳೆ ಸಮೀಕ್ಷೆ ತಾಲ್ಲೂಕಿನಲ್ಲಿ ಅರ್ಧಕ್ಕಿಂತ ಹೆಚ್ಚು ಮುಗಿದಿದ್ದು, ಬೆಳೆಯ ನಿಖರ ಮಾಹಿತಿ ದಾಖಲಾಗುತ್ತಿದೆ. ತಾಲ್ಲೂಕಿನಲ್ಲಿ ಶೇ 70ಕ್ಕಿಂತ ಅಧಿಕ ಸರ್ವೆ ನಂಬರ್ಗಳ ಬೆಳೆ ಸಮೀಕ್ಷೆ ಮುಗಿದಿದೆ. ತಾಲ್ಲೂಕಿನಲ್ಲಿ ಒಟ್ಟು 69 ಸಾವಿರ ಸರ್ವೆ ನಂಬರ್ಗಳಿದ್ದು, ಇವುಗಳಲ್ಲಿ 7 ಸಾವಿರದಷ್ಟು ಬೆಳೆಗಳಿಲ್ಲದ ಸರ್ವೆ ನಂಬರ್ಗಳು. ಉಳಿದ 61,684 ಸರ್ವೆ ನಂಬರ್ಗಳ ಪೈಕಿ, 43,991(ನವೆಂಬರ್ 8ರ ಸಂಜೆಯವರೆಗೆ) ಸರ್ವೆ ನಂಬರ್ಗಳಲ್ಲಿರುವ ಬೆಳೆಗಳ ಸಮೀಕ್ಷೆಯನ್ನು ಮುಗಿಸಲಾಗಿದೆ ಎಂದು ಕಂದಾಯ ಇಲಾಖೆಯ ಮೂಲಗಳು ತಿಳಿಸಿವೆ.