‘ಪ್ರೇಮಲೋಕ’ ಸಿನಿಮಾ ನೋಡಿದ್ದೀರಾ? ಜೂಹಿ ಚಾವ್ಲಾ ನೆನಪಾಯ್ತಾ? ಅದೇ ಆ ’ನಿಂಬೆಹಣ್ಣಿನಂಥ ಹುಡುಗಿ’ ಹಾಡಿನಲ್ಲಿ ಮಿಂಚಿದ್ದ ಮೋಹಕ ತಾರೆ. ಕನ್ನಡಿಗರಿಗೆ ಇಂದಿಗೂ ಜೂಹಿ ಚಾವ್ಲಾ ಅಂದ್ರೆ ಇದೇ ಹಾಡು ನೆನಪಾಗುತ್ತೆ. ಹಾಡಿನಲ್ಲಿ ಮುದ್ದುಮುದ್ದಾಗಿ ಕಾಣಿಸಿಕೊಂಡಿದ್ದ ಇಂದು (ನ.13) 50ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ.
‘ಸುಲ್ತಾನಾತ್’ (1986) ಮೂಲಕ ಬೆಳ್ಳಿತೆರೆಗೆ ಬಂದ ಅವರು 150ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಮೂರು ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದ ‘ಪ್ರೇಮಲೋಕ’ ಜೂಹಿ ಅವರ ಚಿತ್ರ ಬದುಕಿನ ಎರಡನೇ ಚಿತ್ರ. ಇದರ ಜೊತೆ ‘ಶಾಂತಿಕ್ರಾಂತಿ’ ಚಿತ್ರದಲ್ಲಿ ಮತ್ತೊಮ್ಮೆ ರವಿಚಂದ್ರನ್‌ ಜೊತೆಗೆ ಅವರು ನಟಿಸಿದರು.
ಪಂಜಾಬಿ, ತೆಲುಗು, ತಮಿಳು, ಬಂಗಾಲಿ, ಮಳೆಯಾಳಂ ಭಾಷಾ ಚಿತ್ರಗಳಲ್ಲೂ ಅವರು ನಟಿಸಿದ್ದಾರೆ. 1984ರ ‘ಮಿಸ್‌ ಇಂಡಿಯಾ’ ವಿಜೇತೆಯೂ ಹೌದು.
