23 ಎಕರೆ ಸ್ವಾಧೀನಕ್ಕೆ

ಅಲಯನ್ಸ್‌, ಯೋಗ ವಿಶ್ವವಿದ್ಯಾಲಯದಿಂದ ಒತ್ತುವರಿ

ಬೆಂಗಳೂರು ನಗರ ಜಿಲ್ಲಾಡಳಿತವು ಆನೇಕಲ್‌ ತಾಲ್ಲೂಕಿನ ಐದು ಕಡೆಗಳಲ್ಲಿ ಸೋಮವಾರ ಕಾರ್ಯಾಚರಣೆ ನಡೆಸಿ ₹121 ಕೋಟಿ ಮೌಲ್ಯದ 23 ಎಕರೆ 07 ಗುಂಟೆ ಒತ್ತುವರಿಯನ್ನು ತೆರವು ಮಾಡಿತು.

ವಿ.ಶಂಕರ್‌ ಹಾಗೂ ಬಿ.ಆರ್‌. ಹರೀಶ್‌ ನಾಯಕ್‌ ಪರಿಶೀಲನೆ ನಡೆಸಿದರು

ಬೆಂಗಳೂರು: ನಗರ ಜಿಲ್ಲಾಡಳಿತವು ಆನೇಕಲ್‌ ತಾಲ್ಲೂಕಿನ ಐದು ಕಡೆಗಳಲ್ಲಿ ಸೋಮವಾರ ಕಾರ್ಯಾಚರಣೆ ನಡೆಸಿ ₹121 ಕೋಟಿ ಮೌಲ್ಯದ 23 ಎಕರೆ 07 ಗುಂಟೆ ಒತ್ತುವರಿಯನ್ನು ತೆರವು ಮಾಡಿತು.

ನಗರ ಜಿಲ್ಲಾಧಿಕಾರಿ ವಿ.ಶಂಕರ್‌ ನೇತೃತ್ವದಲ್ಲಿ ದಕ್ಷಿಣ ಉಪವಿಭಾಗಾಧಿಕಾರಿ ಡಾ.ಬಿ.ಆರ್‌. ಹರೀಶ್‌ ನಾಯಕ್‌ ಹಾಗೂ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿತು.

ಅಲಯನ್ಸ್‌ ವಿಶ್ವವಿದ್ಯಾಲಯವು ಕರ್ಪೂರ ಗ್ರಾಮದಲ್ಲಿ ಸರ್ವೆ ಸಂಖ್ಯೆ 73ರಲ್ಲಿ 4 ಎಕರೆ 14 ಗುಂಟೆ ಹಾಗೂ ಕಾವಲ್‌ ಹೊಸಹಳ್ಳಿಯಲ್ಲಿ ಸರ್ವೆ ಸಂಖ್ಯೆ 52ರಲ್ಲಿ 35 ಗುಂಟೆ ಒತ್ತುವರಿ ಮಾಡಿತ್ತು. ಈ ಜಾಗದಲ್ಲಿ ಕ್ರೀಡಾಂಗಣ ಹಾಗೂ ಉದ್ಯಾನ ನಿರ್ಮಿಸಲಾಗಿತ್ತು. ತಾಲ್ಲೂಕು ಸರ್ವೆಯರ್‌ ನಕ್ಷೆ ಸಿದ್ಧಪಡಿಸಿ ವರದಿ ಸಲ್ಲಿಸಿದ್ದರು. ಜಾಗವನ್ನು ಬಿಟ್ಟುಕೊಡುವಂತೆ ಆನೇಕಲ್‌ ತಹಶೀಲ್ದಾರ್‌ ಅವರು ಈ ವರ್ಷದ ಸೆಪ್ಟೆಂಬರ್‌ 25ರಂದು ನೋಟಿಸ್‌ ನೀಡಿದ್ದರು. 9 ಎಕರೆ 10 ಗುಂಟೆ ಒತ್ತುವರಿಯನ್ನು ಸರ್ಕಾರದ ಸ್ವಾಧೀನಕ್ಕೆ ಪಡೆಯುವಂತೆ ವಿಶೇಷ ಜಿಲ್ಲಾಧಿಕಾರಿ ಅವರು ನ.8ರಂದು ಆದೇಶ ಹೊರಡಿಸಿದ್ದರು. ಅಧಿಕಾರಿಗಳು ಸೋಮವಾರ 5 ಎಕರೆ 10 ಗುಂಟೆ ಸ್ವಾಧೀನಕ್ಕೆ ಪಡೆದರು. ಇದರ ಮೌಲ್ಯ ₹50 ಕೋಟಿ.

‘ಇದು ಬಿ– ಖರಾಬು ಜಾಗ. ಈ ಜಾಗದಲ್ಲಿ ರಾಜಕಾಲುವೆ ಇದೆ. ಕೆಲವು ಕಡೆ ಸಮತಟ್ಟು ಮಾಡಲಾಗಿತ್ತು. ಈಗ ಅದನ್ನು ವಶಕ್ಕೆ ಪಡೆದು ಫಲಕ ಹಾಕಿದ್ದೇವೆ’ ಎಂದು ಶಂಕರ್‌ ತಿಳಿಸಿದರು.

ಪ್ರವೇಶ ನಿರಾಕರಣೆ: ಕಾರ್ಯಾಚರಣೆ ವೇಳೆ ವಿಶ್ವವಿದ್ಯಾಲಯದ ಸಿಬ್ಬಂದಿ ಹಾಗೂ ಅಧಿಕಾರಿಗಳ ನಡುವೆ ಜಟಾಪಟಿ ನಡೆಯಿತು. ಆರಂಭದಲ್ಲಿ ಹರೀಶ್‌ ನಾಯಕ್‌ ಹಾಗೂ ತಹಶೀಲ್ದಾರ್ ಆಶಾ ಪರ್ವಿನ್‌ ಅವರಿಗೆ ಪ್ರವೇಶ ನಿರಾಕರಿಸಿದರು. ಎಚ್ಚರಿಕೆ ನೀಡಿದ ಬಳಿಕ ಅನುವು ಮಾಡಿಕೊಟ್ಟರು. ಬಳಿಕ ಜಿಲ್ಲಾಧಿಕಾರಿ ಅವರಿಗಷ್ಟೇ ಪ್ರವೇಶ ನೀಡಿ ಕ್ಯಾಂಪಸ್‌ ಗೇಟ್‌ ಮುಚ್ಚಲಾಯಿತು. ಉಳಿದ ಸಿಬ್ಬಂದಿ ಹಾಗೂ ಮಾಧ್ಯಮದವರು ಹೊರಗೇ ಉಳಿಯಬೇಕಾಯಿತು.

ಭಂಗೀಪುರದಲ್ಲಿ ಸರ್ವೆ ಸಂಖ್ಯೆ 26ರ 4 ಎಕರೆ 34 ಗುಂಟೆ ಗೋಮಾಳ ಜಾಗವನ್ನು ಯೋಗ ವಿಶ್ವವಿಶ್ವವಿದ್ಯಾಲಯ ಒತ್ತುವರಿ ಮಾಡಿತ್ತು. ಈ ಸಂಬಂಧ ತಹಶೀಲ್ದಾರ್‌ ನೋಟಿಸ್‌ ನೀಡಿದ್ದರು. ಈ ಜಾಗವನ್ನು ಸಂಸ್ಥೆಯ ಆಡಳಿತ ಮಂಡಳಿ ಸ್ವ ಇಚ್ಛೆಯಿಂದ ಸೋಮವಾರ ಬಿಟ್ಟುಕೊಟ್ಟಿತು. ಇಲ್ಲಿ ಕಟ್ಟಡಗಳು ನಿರ್ಮಾಣವಾಗಿದ್ದವು. ‘ಇದು ಸಹ ಬಿ– ಖರಾಜು ಜಾಗ. ಇದು ಮೂಲಸ್ವರೂಪ ಕಳೆದುಕೊಂಡಿದೆ. ಇದನ್ನು ಸಕ್ರಮ ಮಾಡುವಂತೆ ವಿ.ವಿ. ಆಡಳಿತ ಮಂಡಳಿ ಮನವಿ ಮಾಡಿತ್ತು. ಈ ಬಗ್ಗೆ ಇಲಾಖೆಗೆ ಪ್ರಸ್ತಾವ ಸಲ್ಲಿಸುವಂತೆ ತಿಳಿಸಲಾಗಿದೆ. ಸಾರ್ವಜನಿಕ ಅಹವಾಲು ಸ್ವೀಕರಿಸಿ ದಂಡ ವಸೂಲಿ ಮಾಡಿ ಸಕ್ರಮ ಮಾಡಲು ಕಂದಾಯ ಇಲಾಖೆಯ ಕಾನೂನಿನಲ್ಲಿ ಅವಕಾಶ ಇದೆ’ ಎಂದು ಶಂಕರ್ ತಿಳಿಸಿದರು.

ಬನ್ನೇರುಘಟ್ಟ ಸಮೀಪದ ಬಿಲ್ವಾರದಹಳ್ಳಿಯಲ್ಲಿ ಸರ್ವೆ ಸಂಖ್ಯೆ 52/1, 52/3ರ ಸರ್ಕಾರಿ ಖರಾಬು 7 ಎಕರೆ 3 ಗುಂಟೆ, ಸರ್ಜಾಪುರ ನಾರಾಯಣಘಟ್ಟದ 2 ಎಕರೆ 33 ಗುಂಟೆ ಕೆರೆ, ಜಿಗಣಿ ಹಾರಹದ್ದೆಯ 3 ಎಕರೆ 07 ಗುಂಟೆ ಕೆರೆ ಜಾಗವನ್ನು ಸ್ವಾಧೀನಕ್ಕೆ ಪಡೆಯಲಾಯಿತು.

Comments
ಈ ವಿಭಾಗದಿಂದ ಇನ್ನಷ್ಟು
ಡಿ.31ರಂದು ಬೈಕ್‌ನಲ್ಲಿ ತೆರಳುತ್ತಿದ್ದ ಜೋಡಿ ಮೇಲೆ ಗುಂಪು ಹಲ್ಲೆ ದೃಶ್ಯ ಸಿ.ಸಿ ಟಿವಿಯಲ್ಲಿ ಸೆರೆ: ಒಬ್ಬನ ಬಂಧನ

ಇಂದಿರಾ ನಗರದಲ್ಲಿ ಘಟನೆ
ಡಿ.31ರಂದು ಬೈಕ್‌ನಲ್ಲಿ ತೆರಳುತ್ತಿದ್ದ ಜೋಡಿ ಮೇಲೆ ಗುಂಪು ಹಲ್ಲೆ ದೃಶ್ಯ ಸಿ.ಸಿ ಟಿವಿಯಲ್ಲಿ ಸೆರೆ: ಒಬ್ಬನ ಬಂಧನ

16 Jan, 2018
ಎಳ್ಳು ಬೆಲ್ಲ ಹಂಚಿ ಒಳ್ಳೆ ಮಾತಾಡಿದರು

ಸಂಕ್ರಾಂತಿ ಸಂಭ್ರಮ
ಎಳ್ಳು ಬೆಲ್ಲ ಹಂಚಿ ಒಳ್ಳೆ ಮಾತಾಡಿದರು

16 Jan, 2018

ಬೆಂಗಳೂರು
ಸೊಪ್ಪು ತರಕಾರಿ ಮೂಲಕ ದೇಹ ಸೇರುತ್ತಿದೆ ವಿಷ!

ಕೊಳಚೆ ನೀರು ಬಳಸಿ ಬೆಳೆಯುತ್ತಿರುವ ತರಕಾರಿ, ಸೊಪ್ಪು, ಹಣ್ಣುಹಂಪಲು ವಿಷಯುಕ್ತವಾಗಿವೆ. ಇವುಗಳನ್ನು ಜನರು ಅರಿವಿಲ್ಲದೆ ಸೇವಿಸುತ್ತಿದ್ದು, ಇದು ಮೂತ್ರಪಿಂಡ ವೈಫಲ್ಯಕ್ಕೆ ಕಾರಣವಾಗುತ್ತಿದೆ. ಹುಟ್ಟುವ ಮಕ್ಕಳಲ್ಲಿ...

16 Jan, 2018

ಬೆಂಗಳೂರು
ಹಿಂದೂ ಧರ್ಮದ ತತ್ವವೇ ಸಹಿಷ್ಣುತೆ: ದೇವೇಗೌಡ

ಹಿಂದು ಧರ್ಮದ ತತ್ವವೇ ಸಹಿಷ್ಣುತೆ’ ಎಂದು ಜೆಡಿಎಸ್‌ ರಾಷ್ಟ್ರೀಯ ಅಧ್ಯಕ್ಷ ಎಚ್‌.ಡಿ.ದೇವೇಗೌಡ ಹೇಳಿದ್ದಾರೆ.

16 Jan, 2018
ಮೂಕಪ್ರಾಣಿಗಳ ದಾಹ ನೀಗಿಸಲು ನೀರಿನ ತೊಟ್ಟಿ

ಕಾಮಧೇನು ಹಂಸ ಸೇವಾ ಟ್ರಸ್ಟ್‌
ಮೂಕಪ್ರಾಣಿಗಳ ದಾಹ ನೀಗಿಸಲು ನೀರಿನ ತೊಟ್ಟಿ

16 Jan, 2018