ಪಟ್ಟಣದಲ್ಲಿರುವ ಸುಮಾರು 500 ಜನ ನೇಕಾರರು ಇಲ್ಲಿನ ರಾಷ್ಟ್ರೀಕೃತ ಹಾಗೂ ಸಹಕಾರ ಬ್ಯಾಂಕುಗಳಲ್ಲಿ ಸಾಲ ಪಡೆದುಕೊಂಡಿದ್ದಾರೆ. ಆದರೆ, ನೇಕಾರಿಕೆ ವೃತ್ತಿ ಎಂದರೆ ಯಾವುದೇ ಸಹಕಾರ ಸಂಘ, ಬ್ಯಾಂಕ್ ಸಾಲ ಕೊಡುವದಿಲ್ಲ ಎಂಬುದನ್ನು ಮನಗಂಡು ಸಾಲ ಪಡೆಯುವಾಗ ನೇಕಾರಿಕೆ ವೃತ್ತಿ ಎಂದು ನಮೂದಿಸದೇ, ಬೇರೆ ವೃತ್ತಿಯನ್ನು ನಮೂದಿಸಿದ್ದಾರೆ. ಇಲ್ಲಿನ ಪಾಡುರಂಗ ಸೊಸೈಟಿ, ಜಗದಂಬಾ ಸೊಸೈಟಿಯಂತಹ ಸಹಕಾರ ಬ್ಯಾಂಕುಗಳಲ್ಲಿ ಈ ರೀತಿ ಸಾಲ ಪಡೆಯಲಾಗಿದೆ. ಅಲ್ಲದೆ, ಪ್ರಧಾನ ಮಂತ್ರಿ ಮುದ್ರಾ ಯೋಜನೆಯಡಿ ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿಯೂ ಇಲ್ಲಿನ ನೇಕಾರರು ಸಾಲ ಪಡೆದಿದ್ದಾರೆ.