ಆಸ್ಪತ್ರೆಯನ್ನು ಸ್ವಚ್ಛವಾಗಿಡಲು ಮತ್ತು ಆಸ್ಪತ್ರೆ ಮುಂದಿರುವ ಮಿನಿ ಗಾರ್ಡನ್ ನೋಡಿಕೊಳ್ಳಲು ಸುಮಾರು 50 ‘ಡಿ’ ಗ್ರೂಪ್ ನೌಕರರು ಇದ್ದಾರೆ. ಆದರೆ, ಗಾರ್ಡನ್ ಸ್ಥಳ ನೀರಿಲ್ಲದೇ ಒಣಗುತ್ತಿದೆ. ಆಸ್ಪತ್ರೆ ಅಲ್ಲಲ್ಲಿ ರೋಗಿಗಳು ತಿಂದು ಬಿಸಾಕಿದ ತ್ಯಾಜ್ಯ ವಸ್ತುಗಳು ಬಿದ್ದಿವೆ. ಅದನ್ನು ತೆಗೆಯುವವರಿಲ್ಲ. ಶೌಚಾಲಯಗಳು ಗಬ್ಬು ನಾರುತ್ತಿವೆ. ಸ್ವಚ್ಛ ಮಾಡುವವರು ಇಲ್ಲ ಶುದ್ಧ ಕುಡಿಯುವ ನೀರಿಲ್ಲ. ಹೀಗಾಗಿ, ರೋಗಿಗಳು ಮೂಲ ಸೌಲಭ್ಯಕ್ಕಾಗಿ ಪರದಾಡುವಂತಾಗಿದೆ.