ನವದೆಹಲಿ: ದೇಶದ ಮೂರನೇ ಅತಿದೊಡ್ಡ ಸಾಫ್ಟ್‌ವೇರ್‌ ರಫ್ತು ಸೇವಾ ಸಂಸ್ಥೆಯಾಗಿರುವ ವಿಪ್ರೊ, ಇದೇ 29ರಿಂದ ಷೇರು ಮರು ಖರೀದಿ ಪ್ರಕ್ರಿಯೆಗೆ ಚಾಲನೆ ನೀಡಲಿದೆ.
₹ 11 ಸಾವಿರ ಕೋಟಿಗಳ ಈ ಷೇರು ಮರು ಖರೀದಿ ಯೋಜನೆಯಲ್ಲಿ ಪ್ರತಿ ಷೇರನ್ನು ಸದ್ಯದ ದರದ ಶೇ 8.6ರಷ್ಟು ಹೆಚ್ಚಿನ ಬೆಲೆಗೆ (₹ 320ರ ದರದಲ್ಲಿ) ಖರೀದಿಸಲಾಗುವುದು.
ಅರ್ಹ ಷೇರುದಾರರು ನವೆಂಬರ್ 29 ರಿಂದ ಡಿಸೆಂಬರ್‌ 13ರ ಅವಧಿಯಲ್ಲಿ ಈ ಪ್ರಕ್ರಿಯೆಯಲ್ಲಿ ಭಾಗಿಯಾಗಬಹುದು. ಷೇರು ಮರು ಖರೀದಿಯು ಪ್ರತಿ ಷೇರಿನ ಗಳಿಕೆ ಹೆಚ್ಚಿಸಲಿದ್ದು, ಸಂಸ್ಥೆಯಲ್ಲಿನ ಹೆಚ್ಚುವರಿ ನಗದನ್ನು ಷೇರುದಾರರಿಗೆ ವರ್ಗಾಯಿಸಲು ನೆರವಾಗಲಿದೆ.
