ಭಾಲ್ಕಿ

ಮೂಲಸೌಕರ್ಯ ಕೊರತೆ; ಗ್ರಾಮಸ್ಥರ ಪರದಾಟ

ಗ್ರಾಮದ ಶಿವಾಜಿ ಚೌಕ್‌ ಸಮೀಪ ಮನೆಗಳ ಹೊಲಸು ನೀರು ರಸ್ತೆ ಮಧ್ಯೆ ಸಂಗ್ರಹಗೊಂಡಿದ್ದು, ದುರ್ವಾಸನೆ ಬೀರುತ್ತಿದೆ.

ಭಾಲ್ಕಿ ತಾಲ್ಲೂಕಿನ ವಳಸಂಗ ಗ್ರಾಮದ ಮನೆಗಳ ಸುತ್ತ ಸಂಗ್ರಹವಾಗಿರುವ ಚರಂಡಿ ನೀರನ್ನು ತೋರಿಸುತ್ತಿರುವ ಗ್ರಾಮಸ್ಥ

ಭಾಲ್ಕಿ: ತಾಲ್ಲೂಕಿನ ಅಂಬೆಸಾಂಗವಿ ಗ್ರಾಮ ಪಂಚಾಯಿತಿಗೆ ಒಳಪಡುವ ವಳಸಂಗ ಗ್ರಾಮ ಮೂಲಸೌಕರ್ಯಗಳ ಕೊರತೆಯಿಂದ ಸಮಸ್ಯೆಗಳ ಆಗರವಾಗಿದೆ. ಈ ಗ್ರಾಮ ತಾಲ್ಲೂಕು ಕೇಂದ್ರದಿಂದ 12 ಕಿ.ಮೀ ದೂರದಲ್ಲಿದೆ. ಸುಮಾರು ನಾಲ್ಕು ಸಾವಿರ ಜನಸಂಖ್ಯೆ ಹೊಂದಿದೆ.

ಗ್ರಾಮದ ಹಲವೆಡೆ ನಿರ್ಮಿಸಿರುವ ಚರಂಡಿಗಳಲ್ಲಿ ಕೆಲವನ್ನು ಪ್ರಭಾವಿಗಳು ತಮ್ಮ ಮನೆ ಮುಂದೆ ಹೊಲಸು ನೀರು ಹರಿಯಬಾರದು ಎಂದು ಮುಚ್ಚಿದ್ದಾರೆ. ಕೆಲವು ಕಡೆ ಹೊಲಸು ತುಂಬಿ ನೀರು ಮುಂದಕ್ಕೆ ಹರಿಯದೆ ದುರ್ನಾತ ಬೀರುತ್ತಿವೆ. ಕೆಲವೆಡೆ ಉತ್ತಮವಾಗಿರುವ ಚರಂಡಿ ನೀರು ಗ್ರಾಮದ ಹೊರವಲಯದ ಮನೆಗಳ ಅಕ್ಕಪಕ್ಕ ಸಂಗ್ರಹಗೊಳ್ಳುತ್ತದೆ. ಈ ಸ್ಥಳ ಸೊಳ್ಳೆಗಳ ಉಗಮ ಸ್ಥಾನವಾಗಿ ಮಾರ್ಪಟ್ಟಿದೆ. ಸಾಂಕ್ರಾಮಿಕ ರೋಗಗಳ ಭೀತಿಯಲ್ಲಿ ಕಾಲ ಕಳೆಯುತ್ತಿದ್ದೇವೆ ಎಂದು ಅನಿಲ್‌, ಸಂಜು ವಾಘ್ಮಾರೆ, ರಾಹುಲ್‌ ರಾಘ್ಮಾರೆ ಆಕ್ರೋಶ ಹೊರ ಹಾಕುತ್ತಾರೆ.

ಗ್ರಾಮದ ಶಿವಾಜಿ ಚೌಕ್‌ ಸಮೀಪ ಮನೆಗಳ ಹೊಲಸು ನೀರು ರಸ್ತೆ ಮಧ್ಯೆ ಸಂಗ್ರಹಗೊಂಡಿದ್ದು, ದುರ್ವಾಸನೆ ಬೀರುತ್ತಿದೆ. ಮೂರು ಅಂಗನವಾಡಿ ಕೇಂದ್ರಗಳಲ್ಲಿ ಒಂದಕ್ಕೆ ಮಾತ್ರ ಸ್ವಂತ ಕಟ್ಟಡವಿದೆ. ಉಳಿದ ಎರಡು ಕೇಂದ್ರಗಳಲ್ಲಿ ಒಂದನ್ನು ಎನ್‌ಎಂಐ ಉಪ ಕೇಂದ್ರದಲ್ಲಿ ನಡೆಸಲಾಗುತ್ತಿದೆ. ಇದಕ್ಕೆ ಪ್ರತ್ಯೇಕ ಶೌಚಾಲಯ, ಅಡುಗೆ ಕೋಣೆ ಇಲ್ಲ. ಕಟ್ಟಡದ ಸುತ್ತಮುತ್ತ ತುಂಬಾ ಹೊಲಸು ಇದೆ. ಮುಂಭಾಗದಲ್ಲಿಯೇ ಜನರು ಮಲಮೂತ್ರ ವಿಸರ್ಜನೆ ಮಾಡುತ್ತಾರೆ.

ತಿಪ್ಪೆಗುಂಡಿಗಳು ಇವೆ. ಈ ವಾತಾವರಣ ಮಕ್ಕಳ ಬೆಳವಣಿಗೆಗೆ ಮಾರಕವಾಗಿದೆ. ದೈಹಿಕ ಬೆಳವಣಿಗೆಗೆ ಪೂರಕವಾದ ಆಟಗಳನ್ನು ಆಡಲು ಸ್ಥಳವೇ ಇಲ್ಲ. ಇದರ ಪಕ್ಕದಲ್ಲಿಯೇ ಇದ್ದ ಶಾಲೆಯನ್ನು ಹೊಸ ಕಟ್ಟಡಕ್ಕೆ ಸ್ಥಳಾಂತರಿಸಲಾಗಿದೆ. ಆದರೆ, ಶಿಥಿಲ ಕಟ್ಟಡ ನೆಲಸಮಗೊಳಿಸಿಲ್ಲ. ಇದು ಮಕ್ಕಳ ಜೀವಕ್ಕೆ ಅಪಾಯ ತಂದೊಡ್ಡುವ ಸಾಧ್ಯತೆ ಹೆಚ್ಚಿದೆ. ಜನರು ಈ ಕಟ್ಟಡವನ್ನು ಶೌಚಾಲಯವಾಗಿ ಪರಿವರ್ತಿಸಿಕೊಂಡಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸುತ್ತಾರೆ ಗ್ರಾಮಸ್ಥರು.

ಬಹುತೇಕ ಗ್ರಾಮಸ್ಥರು ಶೌಚಾಲಯ ನಿರ್ಮಿಸಿಕೊಂಡಿದ್ದಾರೆ. ಆದರೆ, ಪ್ರಜ್ಞೆಯ ಕೊರತೆಯಿಂದ ಕೆಲವರು ಅವುಗಳನ್ನು ಸ್ನಾನ ಮಾಡಲು, ವಸ್ತುಗಳನ್ನು ಸಂಗ್ರಹಿಸಿಡಲು ಮೀಸಲಿಟ್ಟಿದ್ದಾರೆ. ಹಾಗಾಗಿ, ರಸ್ತೆ ಅಕ್ಕಪಕ್ಕದ ಸ್ಥಳಗಳು ಶೌಚಾಲಯಗಳಾಗಿ ಮಾರ್ಪಟ್ಟಿವೆ ಎಂದು ಸಾರ್ವಜನಿಕರು ತಿಳಿಸುತ್ತಾರೆ.

ಶೀಘ್ರದಲ್ಲಿ ಜನಪ್ರತಿನಿಧಿ, ಸಂಬಂಧಪಟ್ಟ ಅಧಿಕಾರಿಗಳು ಈ ಕಡೆ ಗಮನ ಹರಿಸಿ ಗ್ರಾಮಕ್ಕೆ ಅಗತ್ಯ ಎಲ್ಲ ಮೂಲಸವಲತ್ತುಗಳನ್ನು ಒದಗಿಸಿ ಕೊಡಬೇಕು. ಇಲ್ಲವಾದಲ್ಲಿ ಮುಂಬರುವ ದಿನಗಳಲ್ಲಿ ರಸ್ತೆಗಿಳಿದು ಹೋರಾಟ ಮಾಡುತ್ತೇವೆ ಎಂದು ಎಚ್ಚರಿಸುತ್ತಾರೆ ಸಾರ್ವಜನಿಕರು.

* * 

ಸಮಸ್ಯೆಗಳಿಂದ ಜನರಿಗೆ ತುಂಬಾ ಸಂಕಷ್ಟವಾಗುತ್ತಿದೆ. ಸಂಬಂಧಪಟ್ಟವರು ಸಮಸ್ಯೆ ಪರಿಹಾರಕ್ಕೆ ಮುಂದಾಗಿ ಗ್ರಾಮದಲ್ಲಿ ಹಿತಕರ ವಾತಾವರಣ ನಿರ್ಮಿಸಬೇಕು.
ಅಶೋಕ ಫುಲೆ,
ಗ್ರಾಮ ನಿವಾಸಿ

Comments
ಈ ವಿಭಾಗದಿಂದ ಇನ್ನಷ್ಟು

ಬಸವಕಲ್ಯಾಣ
ಮೂಢನಂಬಿಕೆ ವಿರೋಧಿಸಿದ್ದ ಶರಣರು

ಮೂಢನಂಬಿಕೆ, ಕಂದಾಚಾರ ವಿರೋಧಿಸಿ ಪ್ರಗತಿಪರ ವಿಚಾರಧಾರೆ ಹೊಂದಿದ್ದ ಬಸವಾದಿ ಶರಣರು ಜನಸಾಮಾನ್ಯರಲ್ಲಿ ಅರಿವು ಮೂಡಿಸಲು ಪ್ರಯತ್ನಿಸಿದ್ದರು' ಎಂದು ಹರಳಯ್ಯ ಪೀಠದ ಸಂಚಾಲಕಿ ಡಾ.ಗಂಗಾಂಬಿಕಾ ಪಾಟೀಲ...

26 Apr, 2018

ಹುಮನಾಬಾದ್
ಆರ್ಯವೈಶ್ಯ ವಿದ್ಯಾರ್ಥಿ ನಿಲಯ ಆರಂಭ

ಹುಮನಾಬಾದ್ ‘ಜಿಲ್ಲಾ ಕೇಂದ್ರದಲ್ಲಿ ಶೀಘ್ರ ಆರ್ಯವೈಶ್ಯ ವಿದ್ಯಾರ್ಥಿ ವಸತಿ ನಿಲಯ ಆರಂಭಿಸಲು ನಿರ್ಧರಿಸಲಾಗಿದೆ’ ಎಂದು ಸಮಾಜ ಜಿಲ್ಲಾ ಘಟಕ ಅಧ್ಯಕ್ಷ ಡಿ.ಆರ್.ಚಿದ್ರಿ ಹೇಳಿದರು.

26 Apr, 2018

ಬೀದರ್
ತಲೆನೋವಾದ ಬಂಡಾಯ ಅಭ್ಯರ್ಥಿಗಳು

ಬೀದರ್ ಜಿಲ್ಲೆಯಲ್ಲಿ ಪ್ರಮುಖ ರಾಜಕೀಯ ಪಕ್ಷಗಳ ಟಿಕೆಟ್‌ ದೊರೆಯದ ಮುಖಂಡರು ಮಾತೃ ಪಕ್ಷಗಳ ವಿರುದ್ಧವೇ ಬಂಡಾಯ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದ್ದಾರೆ.

26 Apr, 2018
ಹೆಚ್ಚುತ್ತಿರುವ ಬಿಸಿಲು: ಸೂರ್ಯಾಘಾತ ಆತಂಕ

ಬೀದರ್
ಹೆಚ್ಚುತ್ತಿರುವ ಬಿಸಿಲು: ಸೂರ್ಯಾಘಾತ ಆತಂಕ

26 Apr, 2018
ಮಾನವೀಯತೆ ಮರೆದ ಬಸವಲಿಂಗ ಪಟ್ಟದ್ದೇವರು

ಭಾಲ್ಕಿ
ಮಾನವೀಯತೆ ಮರೆದ ಬಸವಲಿಂಗ ಪಟ್ಟದ್ದೇವರು

25 Apr, 2018