ಹೊಸನಗರ

ತಾಲ್ಲೂಕಿನಾದ್ಯಂತ ಭತ್ತಕ್ಕೆ ಸೈನಿಕ ಹುಳ ಕಾಟ

ಒಂದು ಎಕೆರೆ ಪ್ರದೇಶಕ್ಕೆ 2 ಕೆ.ಜಿ. ಬೆಲ್ಲವನ್ನು 5 ಲೀಟರ್ ನೀರಿನಲ್ಲಿ ಕರಗಿಸಿ, ಅದಕ್ಕೆ 250 ಮಿಲಿ ಮಾನೋಕ್ರೊಟೋಫಾಸ್ ಕೀಟನಾಶಕವನ್ನು ಸೇರಿಸಿ ಮಿಶ್ರ ಮಾಡುವುದು.

ಹೊಸನಗರ: ತಾಲ್ಲೂಕಿನಲ್ಲಿ ಭತ್ತದ ಬೆಳೆಗೆ ಅಪಾರ ಪ್ರಮಾಣದ ಸೈನಿಕ(ಲದ್ದಿ) ಹುಳುವಿನ ಬಾಧೆ ಕಂಡು ಬಂದಿದೆ ಎಂದು ಕೃಷಿ ಇಲಾಖೆ ತಿಳಿಸಿದೆ. ಈ ಸೈನಿಕ ಹುಳು ಹಗಲಿನ ಸಮಯದಲ್ಲಿ ಭತ್ತದ ಪೈರಿನ ಬುಡದಲ್ಲಿ ಅಡಗಿ ಕುಳಿತಿರುತ್ತದೆ. ಪೈರಿನ ಬುಡವನ್ನು ಅಗಲಿಸಿ ನೋಡಿದಾಗ ಮಾತ್ರ ಈ ಹುಳುಗಳು ಕಾಣುತ್ತದೆ. ಇವು ರಾತ್ರಿ ಹೊತ್ತಿನಲ್ಲಿ ಪೈರಿನ ಎಲೆಗಳನ್ನು ತಿನ್ನುತ್ತವೆ. ಇವುಗಳ ಬಾಧೆ ತೀವ್ರವಾದಲ್ಲಿ ಎಲೆಗಳನ್ನೆಲ್ಲ ತಿಂದು ಮಧ್ಯದ ದಂಟನ್ನು ಮಾತ್ರ ಉಳಿಸುತ್ತದೆ ಎಂದು ತಿಳಿಸಿದರು.

ಹತೋಟಿ ಕ್ರಮ: ಒಂದು ಎಕೆರೆ ಪ್ರದೇಶಕ್ಕೆ 2 ಕೆ.ಜಿ. ಬೆಲ್ಲವನ್ನು 5 ಲೀಟರ್ ನೀರಿನಲ್ಲಿ ಕರಗಿಸಿ, ಅದಕ್ಕೆ 250 ಮಿಲಿ ಮಾನೋಕ್ರೊಟೋಫಾಸ್ ಕೀಟನಾಶಕವನ್ನು ಸೇರಿಸಿ ಮಿಶ್ರ ಮಾಡುವುದು. ನಂತರ ಇದಕ್ಕೆ 20 ಕೆ.ಜಿ ಅಕ್ಕಿ ಅಥವಾ ಗೋಧಿ ತೌಡನ್ನು ಸೇರಿಸಿ ಚೆನ್ನಾಗಿ ಕಲಿಸಬೇಕು. ಈ ರೀತಿ ಮಾಡಿದ ಮಿಶ್ರಣವನ್ನು ಒಂದು ಚೀಲದಲ್ಲಿ ಕಟ್ಟಿ ಒಂದು ಡ್ರಮ್ಮಿನಲ್ಲಿ ಗಾಳಿಯಾಡದಂತೆ ಮುಚ್ಚಬೇಕು. ಈ ಮಿಶ್ರಣವನ್ನು ಮರುದಿನ ಸಂಜೆ ನಾಲ್ಕು ಗಂಟೆ ನಂತರ ಜಮೀನಿನಲ್ಲಿ ಸುತ್ತ ಹಾಕುವುದಲ್ಲದೇ ಜಮೀನಿನ ಮಧ್ಯೆ ಎರಚುವುದು ಮಾಡಬೇಕು ಎಂದು ಪ್ರಕಟಣೆ ತಿಳಿಸಿದೆ.

25 ದಿನಗಳ ನಂತರ ಕಟಾವಿಗೆ ಬರುವ ಜಮೀನುಗಳಲ್ಲಿ ಈ ಮೇಲೆ ಹೇಳಿದ ವಿಷ ತಿಂಡಿ ಜೊತೆಗೆ ಮೆಲಾಥಿಯನ್ 50% ಇಅ 2 ಮಿಲಿ ಪ್ರತಿ ಲೀಟರ್ಗೆ ಸೇರಿಸಿ ಸಿಂಪರಣೆ ಕೂಡಾ ಮಾಡುವುದು. ಕೀಡೆಗಳು ಒಂದು ಜಮೀನಿನಿಂದ ಇನ್ನೊಂದು ಜಮೀನಿಗೆ ಹೋಗುವುದನ್ನು ತಡೆಯಲು ಜಮೀನಿನ ಸುತ್ತ 1-1/2 ಅಡಿ ಆಳದ ಕಂದಕ ತೋಡಿ ಅದರಲ್ಲಿ ಶೇ 5 ರ ಮೆಲಾಥಿಯನ್ ಹುಡಿಯನ್ನು ಉದುರಿಸುವಂತೆ ರೈತರಿಗೆ ಸಲಹೆ ನೀಡಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
ಸಂಕ್ರಾಂತಿ ಸಡಗರದಲ್ಲಿ ಮಿಂದೆದ್ದ ಜನರು

ಶಿವಮೊಗ್ಗ
ಸಂಕ್ರಾಂತಿ ಸಡಗರದಲ್ಲಿ ಮಿಂದೆದ್ದ ಜನರು

16 Jan, 2018
ಕೆಲ ಸಂಘಟನೆಗಳ ಹಿತಾಸಕ್ತಿಯಿಂದಲೇ ಗಲಭೆ

ರಿಪ್ಪನ್‌ಪೇಟೆ
ಕೆಲ ಸಂಘಟನೆಗಳ ಹಿತಾಸಕ್ತಿಯಿಂದಲೇ ಗಲಭೆ

15 Jan, 2018

ಶಿಕಾರಿಪುರ
‘ಯುವ ಸಮುದಾಯ ದೇಶದ ಆಸ್ತಿಯಾಗಲಿ’

‘ದೇಶವನ್ನು ಬೆಳೆಸುವ ನಿಟ್ಟಿನಲ್ಲಿ ಯುವ ಸಮುದಾಯ ಪಾತ್ರ ಮುಖ್ಯವಾಗಿದೆ ಎಂದು ಸ್ವಾಮಿ ವಿವೇಕಾನಂದ ಹೇಳಿದ್ದರು. ಸಾಧನೆ ಮಾಡುವ ಗುರಿಯನ್ನು ಯುವ ಪೀಳಿಗೆ ಇಟ್ಟುಕೊಳ್ಳಬೇಕು’.

15 Jan, 2018
ಇಂದಿನಿಂದ ಸಿಗಂದೂರು ಚೌಡೇಶ್ವರಿ ಜಾತ್ರೆ

ತುಮರಿ
ಇಂದಿನಿಂದ ಸಿಗಂದೂರು ಚೌಡೇಶ್ವರಿ ಜಾತ್ರೆ

14 Jan, 2018

ಹೊಸನಗರ
ಸರ್ಕಾರಿ ಭೂಮಿಯಲ್ಲಿದ್ದ 8 ಗುಡಿಸಲು ತೆರವು

ಸರ್ಕಾರಿ ಭೂಮಿ ಅತಿಕ್ರಮಣದ ಜತೆಗೆ ಗ್ರಾಮದ ಅಶಾಂತಿಗೆ ಕಾರಣವಾಗಬಹುದು ಎಂದು ತಿಳಿದ ಕಂದಾಯ ಇಲಾಖೆ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ 8 ಮನೆಗಳನ್ನು ತೆರವುಗೊಳಿಸಿದರು.

14 Jan, 2018