‘ಜೂಲಿ 2’ದಲ್ಲಿ ಯಾವುದೇ ದೃಶ್ಯಗಳಿಗೆ ಕತ್ತರಿ ಹಾಕದೆಯೇ ಸೆನ್ಸಾರ್ ಮಂಡಳಿ ‘ಎ’ ಸರ್ಟಿಫಿಕೇಟ್ ನೀಡಿರುವ ಖುಷಿಯಲ್ಲಿರುವಾಗಲೇ ಈ ಆಘಾತ ಎದುರಾಗಿದೆ. ಈ ಹಿಂದೆ ಪಹ್ಲಾಜ್ ನಿಹಲಾನಿ ಸೆನ್ಸಾರ್ ಮಂಡಳಿ ಮುಖ್ಯಸ್ಥರಾಗಿದ್ದಾಗ ಸಿನಿಮಾಗಳಿಗೆ ಸರ್ಟಿಫಿಕೇಟ್ ನೀಡುವ ಸಂಬಂಧ ಸಾಕಷ್ಟು ವಿವಾದ ಸೃಷ್ಟಿಸಿದ್ದರು. ‘ಜಬ್ ಹ್ಯಾರಿ ಮೆಟ್’ ಚಿತ್ರದಲ್ಲಿದ್ದ ‘ಸಂಭೋಗ’ ಎಂಬ ಪದವನ್ನು ಕಿತ್ತುಹಾಕಿದ್ದು, ಹಲವು ಸಿನಿಮಾಗಳಲ್ಲಿನ ಮುತ್ತಿನ ದೃಶ್ಯಗಳಿಗೆ ಕತ್ತರಿ ಹಾಕಿದ್ದು ಬಾಲಿವುಡ್ ನಿರ್ದೇಶಕ, ನಿರ್ಮಾಪಕರ ಕಣ್ಣು ಕೆಂಪಾಗುವಂತೆ ಮಾಡಿತ್ತು. ಇದೀಗ ಅವರದೇ ಸಿನಿಮಾಕ್ಕೆ ಅನಿರೀಕ್ಷಿತ ಏಟು ಬಿದ್ದಂತಾಗಿದೆ. ಒಟ್ಟಿನಲ್ಲಿ, ‘ಜೂಲಿ 2’ ಭವಿಷ್ಯ ಏನಾಗುತ್ತದೋ ಕಾದುನೋಡಬೇಕಾಗಿದೆ.