ಸಿಂದಗಿ

ಮಿನಿವಿಧಾನಸೌಧ ಎದುರು ಶವವಿಟ್ಟು ಪ್ರತಿಭಟನೆ

‘ವಿದ್ಯಾರ್ಥಿ ಸಾವಿನ ನೋವು ಅರ್ಥ ಆಗಿದೆ. ಕುಟುಂಬದ ಸಮಸ್ಯೆಯ ಅರಿವೂ ಆಗಿದೆ. ತಮ್ಮ ಬೇಡಿಕೆ ಪರಿಶೀಲಿಸಲಾಗುವುದು. ಮೊದಲು ವಿದ್ಯಾರ್ಥಿ ಶವ ಪರೀಕ್ಷೆ, ಎಫ್ಐಆರ್ ಆಗಲಿ’

ಸಿಂದಗಿ: ನಗರದ ಸಮಾಜ ಕಲ್ಯಾಣ ಇಲಾಖೆಯ ಮೆಟ್ರಿಕ್ ನಂತರದ ವಸತಿ ನಿಲಯದಲ್ಲಿ ಪಿಯುಸಿ ದ್ವಿತೀಯ ವರ್ಷದ ವಿದ್ಯಾರ್ಥಿ ಅಮೃತ ಶಿವಪುತ್ರಪ್ಪ ಮಾದರ (17) ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಹಿನ್ನೆಲೆಯಲ್ಲಿ ವಸತಿ ನಿಲಯದ ವಿದ್ಯಾರ್ಥಿಗಳು ದಲಿತ ಸಂಘಟನೆಗಳ ಮುಖಂಡರ ನೇತೃತ್ವದಲ್ಲಿ ಶವವನ್ನು ವಸತಿ ನಿಲಯದಿಂದ ಮಿನಿವಿಧಾನಸೌಧ ವರೆಗೆ ಪ್ರತಿಭಟನಾ ಮೆರವಣಿಗೆ ಮೂಲಕ ತಂದು, ಅಲ್ಲಿ ಶವವಿಟ್ಟು ಪ್ರತಿಭಟಿಸಿದರು.

ಪ್ರತಿಭಟನಕಾರರು ಟೈರ್‌ಗೆ ಬೆಂಕಿ ಹಚ್ಚಿ ಆಕ್ರೋಶ ವ್ಯಕ್ತಪಡಿಸಿದರು. ಜಿಲ್ಲಾಡಳಿತ ವಿರುದ್ಧ ಘೋಷಣೆ ಕೂಗಿ ಸಮಾಜ ಕಲ್ಯಾಣ ಇಲಾಖೆಯ ಜಿಲ್ಲೆ, ತಾಲ್ಲೂಕು ಅಧಿಕಾರಿಗಳನ್ನು ವಸತಿನಿಲಯದ ಮೇಲ್ವಿಚಾರಕರನ್ನು ಸ್ಥಳದಲ್ಲಿಯೇ ವಜಾಗೊಳಿಸಬೇಕು ಎಂದು ಒತ್ತಾಯಿಸಿದರು. ವಾತಾವರಣ ತುಂಬಾ ಉದ್ವಿಗ್ನಮಯವಾಗಿತ್ತು. ಕೆಲ ವಿದ್ಯಾರ್ಥಿಗಳು ಕೈಯಲ್ಲಿ ಕಲ್ಲುಗಳನ್ನು ಹಿಡಿದುಕೊಂಡಿದ್ದು ಕಂಡು ಬಂದಿತು.

ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ ಸ್ಥಳಕ್ಕೆ ಧಾವಿಸಿದರು. ಆಗ ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಸಂಘಟನಾ ಸಂಚಾಲಕ ವೈ.ಸಿ.ಮಯೂರ ಮಾತನಾಡಿ, ‘ಸಮಾಜಕಲ್ಯಾಣ ಇಲಾಖೆಯ ವಸತಿ ನಿಲಯಗಳು ಸಂಪೂರ್ಣವಾಗಿ ಹದಗೆಟ್ಟು ಹೋಗಿವೆ. ಇಲ್ಲಿಯ ವಸತಿ ನಿಲಯದಲ್ಲಿ ಎರಡು ತಿಂಗಳಲ್ಲಿ ಇಬ್ಬರು ವಿದ್ಯಾರ್ಥಿಗಳ ಸಾವು ಸಂಭವಿಸಿದೆ. ಸಾವಿನ ಬಗ್ಗೆ ತನಿಖೆಯಾಗಿ ಇಲಾಖೆಯ ಜಿಲ್ಲಾ, ತಾಲ್ಲೂಕು ಅಧಿಕಾರಿಗಳು ಮೇಲ್ವಿಚಾಕರನನ್ನು ಸ್ಥಳದಲ್ಲಿಯೇ ಜಿಲ್ಲಾಧಿಕಾರಿಗಳು ವಜಾಗೊಳಿಸುವ ಆದೇಶ ಹೊರಡಿಸಬೇಕು’ ಎಂದು ಆಗ್ರಹಿಸಿದರು.

‘ಮೃತ ವಿದ್ಯಾರ್ಥಿಯ ಕುಟುಂಬಕ್ಕೆ ₹ 15 ಲಕ್ಷ ಪರಿಹಾರ ಮತ್ತು ಮೃತ ಕುಟುಂಬದ ವ್ಯಕ್ತಿಗೆ ಸರ್ಕಾರಿ ನೌಕರಿ ನೀಡಬೇಕು’ ಎಂದೂ ಒತ್ತಾಯಿಸಿದರು. ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ ಮಾತನಾಡಿ, ‘ವಿದ್ಯಾರ್ಥಿ ಸಾವಿನ ನೋವು ಅರ್ಥ ಆಗಿದೆ. ಕುಟುಂಬದ ಸಮಸ್ಯೆಯ ಅರಿವೂ ಆಗಿದೆ. ತಮ್ಮ ಬೇಡಿಕೆ ಪರಿಶೀಲಿಸಲಾಗುವುದು. ಮೊದಲು ವಿದ್ಯಾರ್ಥಿ ಶವ ಪರೀಕ್ಷೆ, ಎಫ್ಐಆರ್ ಆಗಲಿ’ ಎಂದರು.

‘ಈಗಲೇ ಮೂವರು ಅಧಿಕಾರಿಗಳ ಮೇಲೆ ಎಫ್.ಐ.ಆರ್ ದಾಖಲಿಸಿ, ಪರಿಹಾರ ನಂತರ ನೀಡಿ. ಅಧಿಕಾರಿಗಳನ್ನು ಅಮಾನತು ಮಾಡಿ’ ಎಂದು ಪ್ರತಿಭಟನಾಕಾರ ರಾಜಶೇಖರ ಚೌರ ಆಗ್ರಹಿಸಿದರು.

‘ಸಾವಿನ ಬಗ್ಗೆ ತನಿಖೆ ನಡೆಸಲಾಗುವುದು’ ಎಂದು ಜಿಲ್ಲಾಧಿಕಾರಿ ಹೇಳಿದಾಗ, ‘ನಿಮ್ಮ ಮಾತಿನಲ್ಲಿ ವಿಶ್ವಾಸವಿಲ್ಲ’ ಎಂದು ಪ್ರತಿಭಟನಾ ನಿರತ ಮಯೂರ ಪ್ರತಿಕ್ರಿಯಿಸಿದರು.
ದಲಿತ ಸಂಘಟನೆಗಳ ಮುಖಂಡರು ಬಿಗಿ ಪಟ್ಟು ಹಿಡಿದ ಕಾರಣ ಜಿಲ್ಲಾಧಿಕಾರಿ ಕಚೇರಿಯೊಳಗೆ ಹೋಗಿ ಕುಳಿತುಕೊಂಡು ಮನವರಿಕೆ ಮಾಡಿದರೂ ಪ್ರಯೋಜನವಾಗಲಿಲ್ಲ.

ಸಂಜೆಗೆ ಜಿಲ್ಲಾಧಿಕಾರಿಗಳು ಪ್ರತಿಭಟನಾ ಸ್ಥಳಕ್ಕೆ ಬಂದು ಸಮಾಜ ಕಲ್ಯಾಣ ಇಲಾಖೆಯಿಂದ ಪರಿಹಾರ ಹಣ ನೀಡಲಾಗುವುದು, ಮೃತರ ಕುಟುಂಬಕ್ಕೆ ಸರ್ಕಾರಿ ಸೌಲಭ್ಯ ದೊರಕಿಸಿಕೊಡಲಾಗುವುದು. ವಿದ್ಯಾರ್ಥಿ ಸಾವಿನ ತನಿಖೆ ನಡೆಸಲಾಗುವುದು ಎಂದು ಭರವಸೆ ನೀಡಿದ ನಂತರ ಪ್ರತಿಭಟನೆ ಹಿಂದಕ್ಕೆ ಪಡೆದು, ಶವವನ್ನು ಸರ್ಕಾರಿ ಆಸ್ಪತ್ರೆಗೆ ತೆಗೆದುಕೊಂಡು ಹೋದರು. ದಲಿತ ಸಂಘಟನೆಗಳ ಪ್ರಮುಖರಾದ ಚಂದ್ರಕಾಂತ ಸಿಂಗೆ, ರಾಜು ಗುಬ್ಬೇವಾಡ, ಪ್ರಧಾನಿ ಮೂಲಿಮನಿ, ಅಶೋಕ ಸುಲ್ಪಿ, ಪರಶುರಾಮ ಕಾಂಬಳೆ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು

ವಿಜಯಪುರ
ಎಲ್ಲರ ಕೈಗೆಟುಕುವ ದರದಲ್ಲಿ ಮಾವು

ಹಣ್ಣುಗಳ ರಾಜ ಮಾವು ಇದೀಗ ಎಲ್ಲರಿಗೂ ಅಗ್ಗ. ತುಟ್ಟಿ ಧಾರಣೆಯಿಂದ ಮಾವಿನ ಸವಿಯಿಂದ ದೂರ ಉಳಿದಿದ್ದ ಬಡವರು, ಮಧ್ಯಮ ವರ್ಗದ ಜನರು ಮಾವು ಖರೀದಿಗಾಗಿ...

18 Jun, 2018
ಅಂಗನವಾಡಿಯಿದ್ದರೂ ಪ್ರಯೋಜನವಿಲ್ಲ..!

ದೇವರಹಿಪ್ಪರಗಿ
ಅಂಗನವಾಡಿಯಿದ್ದರೂ ಪ್ರಯೋಜನವಿಲ್ಲ..!

18 Jun, 2018

ವಿಜಯಪುರ
ಗುತ್ತಿಗೆದಾರರಿಗೆ ತುರ್ತು ಸಭೆ ಇಂದು; ಕಟು ಟೀಕೆ

ಬರೋಬ್ಬರಿ ಒಂಭತ್ತನೇ ತಿಂಗಳು. ಇಲ್ಲಿಯವರೆಗೂ ನಗರದ ಅಭಿವೃದ್ಧಿ, ಸಮಸ್ಯೆಗಳ ಕುರಿತಂತೆ ಚರ್ಚಿಸಿ ನಿರ್ಣಯ ತೆಗೆದುಕೊಳ್ಳಲು ವಿಜಯಪುರ ಮಹಾನಗರ ಪಾಲಿಕೆಯ ಮೇಯರ್‌–ಉಪ ಮೇಯರ್‌, ಸ್ಥಾಯಿ ಸಮಿತಿಗಳ...

18 Jun, 2018

ತಾಳಿಕೋಟೆ
ಸಾರ್ವಜನಿಕರಿಗೆ ಶೀರ್‌ಕುರ್ಮಾ ವಿತರಣೆ

ಈದ್ ಉಲ್‌ ಫಿತ್ರ್ ಆಚರಿಸುವ ಮುಸಲ್ಮಾನರು ಅಕ್ಕಪಕ್ಕದ ಮನೆಯವರು ಹಾಗೂ ಸ್ನೇಹಿತರಿಗೆ ಭರ್ಜರಿ ಭೋಜನ ಹಾಕಿಸುವುದು ಸಾಮಾನ್ಯ. ಆದರೆ, ಹಬ್ಬದ ದಿನ ರಸ್ತೆಯಲ್ಲಿ ಸಂಚರಿಸುವವರಿಗೆಲ್ಲ...

18 Jun, 2018

ದೇವರ ಹಿಪ್ಪರಗಿ
ಪುರಪ್ರವೇಶಕ್ಕೆ ಸಾಕ್ಷಿಯಾದ ಭಕ್ತರು

ದೇವರ ಹಿಪ್ಪರಗಿಯ ಐತಿಹಾಸಿಕ ಹಿನ್ನೆಲೆಯ ರಾವುತರಾಯನ ರೂಪಾಂಲಕಾರ ಪೂರ್ಣಗೊಂಡಿದ್ದು, ಬಂಡಿಯಾತ್ರೆಯ ಮೂಲಕ ಅಸಂಖ್ಯಾತ ಭಕ್ತರ ಉದ್ಘೋಷಗಳೊಂದಿಗೆ ಪುರಪ್ರವೇಶವಾಯಿತು.

18 Jun, 2018