ಮೊಳಕಾಲ್ಮುರು

ಮೊಳಕಾಲ್ಮುರು: ಲಾಟರಿ ಬಂತೆಂದು ನಂಬಿದವರಿಗೆ ಮೋಸ!

‘ಆನ್‌ಲೈನ್‌’ ಮೂಲಕ ವಸ್ತುಗಳ ಮಾರಾಟ ನೆಪದಲ್ಲಿ ನಕಲಿ ಸಾಮಗ್ರಿಗಳನ್ನು ಪೂರೈಕೆ ಮಾಡುತ್ತಾ ಗ್ರಾಹಕರನ್ನು ಮೋಸ ಮಾಡುತ್ತಿರುವ ಪ್ರಕರಣಗಳು ಬೆಳಕಿಗೆ ಬಂದಿವೆ.

ಮೊಳಕಾಲ್ಮುರು: ‘ಆನ್‌ಲೈನ್‌’ ಮೂಲಕ ವಸ್ತುಗಳ ಮಾರಾಟ ನೆಪದಲ್ಲಿ ನಕಲಿ ಸಾಮಗ್ರಿಗಳನ್ನು ಪೂರೈಕೆ ಮಾಡುತ್ತಾ ಗ್ರಾಹಕರನ್ನು ಮೋಸ ಮಾಡುತ್ತಿರುವ ಪ್ರಕರಣಗಳು ಬೆಳಕಿಗೆ ಬಂದಿವೆ. ತಾಲ್ಲೂಕಿನ ಬಿ.ಜಿ.ಕೆರೆ ಸರ್ಕಾರಿ ಶಾಲೆ ಎಸ್‌ಡಿಎಂಸಿ ಸದಸ್ಯರೊಬ್ಬರಿಗೆ ಸೋಮವಾರ ಆದ ವಂಚನೆ ಇದಕ್ಕೆ ಮತ್ತೊಂದು ಸೇರ್ಪಡೆ.

ಕೆಲವು ದಿನಗಳ ಹಿಂದೆ ಅವರ ಮೊಬೈಲ್‌ಗೆ ಕರೆ ಮಾಡಿದ್ದ ವ್ಯಕ್ತಿಯು, ‘ನಿಮ್ಮ ನಂಬರ್‌ಗೆ ಲಾಟರಿ ಹೊಡೆದಿದೆ. ಹಣ ಪಾವತಿಸಿ, ಮೊಬೈಲ್‌ ಹಾಗೂ ಉಡುಗೊರೆ ಪಡೆದುಕೊಳ್ಳಿ ಎಂದು ಹೇಳಿದ್ದ. ಅದನ್ನು ನಂಬಿದ ನಾನು ವಿಳಾಸ ನೀಡಿದ್ದೆ’ ಎಂದು ಹೇಳಿದರು.

‘ಕರೆ ಮಾಡಿದ್ದ ವ್ಯಕ್ತಿ ಹೇಳಿದಂತೆ ಸೋಮವಾರ ಅಂಚೆ ಮೂಲಕ ಅವರ ವಿಳಾಸಕ್ಕೆ ಪಾರ್ಸಲ್ ಬಂತು. ಅಂಚೆ ಕಚೇರಿಗೆ ₹  1,850 ಪಾವತಿಸಿ ಪಾರ್ಸಲ್ ಪಡೆದುಕೊಂಡು ಅದನ್ನು ತೆರೆದೆ. ಆದರೆ, ಅದರಲ್ಲಿ ಬಂಗಾರದ ಲೇಪನ ಮಾಡಿದ್ದ ಲೋಹದ ಕೆಲವು ದೇವರ ವಿಗ್ರಹಗಳು ಹಾಗೂ ಪೂಜಾ ಸಾಮಗ್ರಿಯಿತ್ತು. ಮೊಬೈಲ್ ಇರಲಿಲ್ಲ. ಆತನಿಗೆ ಪುನಃ ಕರೆ ಮಾಡಿದರೆ ಸಂಪರ್ಕ ಸಾಧ್ಯವಾಗಲೇ ಇಲ್ಲ’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ತಿಂಗಳಿಗೆ ಅಂದಾಜು 150 ಆನ್‌ಲೈನ್‌ ಪಾರ್ಸ್‌ಲ್‌ಗಳು ಬರುತ್ತವೆ. ಅವುಗಳಲ್ಲಿ ಶೇ 30–40ನ್ನು ಬಿಡಿಸಿಕೊಳ್ಳುವುದಿಲ್ಲ. ಕಂಪೆನಿಗಳ ಬಗ್ಗೆ ದೂರು ಬಂದಿಲ್ಲ. ಆದರೆ, ಕೆಲ ಕಂಪೆನಿಗಳ ಹೆಸರು ಹೇಳಿಕೊಂಡು ಮೋಸ ಮಾಡುತ್ತಿರುವುದು ಗಮನಕ್ಕೆ ಬಂದಿದೆ. ಈ ಬಗ್ಗೆ ಗ್ರಾಹಕರೇ ಎಚ್ಚರವಹಿಸಬೇಕು’ ಎಂದು ಅಂಚೆ ಇಲಾಖೆ ತಾಲ್ಲೂಕು
ಪ್ರಭಾರ ವ್ಯವಸ್ಥಾಪಕ ಸುರೇಶ್‌ ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಚುನಾವಣೆ ಪ್ರಕ್ರಿಯೆಯಲ್ಲಿ ಶಿಸ್ತಿನಿಂದ ಕಾರ್ಯನಿರ್ವಹಿಸಿ

ಚಿತ್ರದುರ್ಗ
ಚುನಾವಣೆ ಪ್ರಕ್ರಿಯೆಯಲ್ಲಿ ಶಿಸ್ತಿನಿಂದ ಕಾರ್ಯನಿರ್ವಹಿಸಿ

22 Feb, 2018

ಚಳ್ಳಕೆರೆ
‘ಉಗ್ರಪ್ಪ ಸ್ಪರ್ಧೆಗೆ ವಿರೋಧ’

‘ಮೊಳಕಾಲ್ಮುರು ಕ್ಷೇತ್ರದಲ್ಲಿ ನಾನು ಮತ್ತು ಜಿಲ್ಲಾ ಪಂಚಾಯ್ತಿ ಸದಸ್ಯ ಡಾ.ಬಿ.ಯೋಗೇಶ್‍ಬಾಬು ಟಿಕೆಟ್ ಆಕಾಂಕ್ಷಿಗಳಾಗಿದ್ದೇವೆ. ತಮಗೆ ಟಿಕೆಟ್ ನೀಡಿದರೆ, ಪಕ್ಷವನ್ನು ತಳಮಟ್ಟದಲ್ಲಿ ಸಂಘಟಿಸಿ ಅಧಿಕಾರ ಪಡೆಯುತ್ತೇವೆ. ...

22 Feb, 2018
ಸ್ವಶಕ್ತಿ ಮೇಲೆ ಆಡಳಿತ ನಡೆಸಿದ ಶಿವಾಜಿ

ಚಿತ್ರದುರ್ಗ
ಸ್ವಶಕ್ತಿ ಮೇಲೆ ಆಡಳಿತ ನಡೆಸಿದ ಶಿವಾಜಿ

20 Feb, 2018

ಚಿತ್ರದುರ್ಗ
ಸಾಗುವಳಿ ಪತ್ರಕ್ಕೆ ಆಗ್ರಹಿಸಿ ಸಚಿವರ ನಿವಾಸದೆದುರು ಧರಣಿ

ಕರ್ನಾಟಕ ರಾಜ್ಯ ಬಂಜಾರ ಜನಜಾಗೃತಿ ಅಭಿಯಾನ ವೇದಿಕೆ ಪ್ರಧಾನ ಕಾರ್ಯದರ್ಶಿ ನಿಂಗನಾಯ್ಕ ಮಾತನಾಡಿ, ‘ನೂರಾರು ಬಡ ಕುಟುಂಬಗಳು ಬಗರ್‌ಹುಕುಂ ಮತ್ತು ಅರಣ್ಯಭೂಮಿಯನ್ನು ಸಾಗುವಳಿ ಮಾಡಿಕೊಂಡು...

20 Feb, 2018
ಕಾಂಗ್ರೆಸ್‌ ಕೋಟೆಯಲ್ಲಿ ‘ಕೈ’ನದ್ದೇ ದರ್ಬಾರು

ಹಿರಿಯೂರು
ಕಾಂಗ್ರೆಸ್‌ ಕೋಟೆಯಲ್ಲಿ ‘ಕೈ’ನದ್ದೇ ದರ್ಬಾರು

19 Feb, 2018